3 شىلدە, 17:48 462 0 جاھان انار لەپەسوۆا

كوروناۆيرۋس: رەسەيدە سوڭعى تاۋلىكتە 176 ادام قايتىس بولدى

وتكەن تاۋلىكتە رەسەيدە كوروناۆيرۋس جۇقتىرۋدىڭ 6718 جاڭا دەرەگى تىركەلدى. بۇل تۋرالى ەلدەگى ىندەتتىڭ تارالۋىن باقىلاۋ جونىندەگى جەدەل شتاب حابارلادى.

شتاب مالىمەتىنشە، جاڭا دەرەكتەر ەلدىڭ 84 وڭىرىندە انىقتالعان. ءبىر تاۋلىك ىشىندە 176 ناۋقاس كوز جۇمىپ، 8915 ادام ەمدەلىپ شىقتى. ەلدە ىندەت جۇقتىرعانداردىڭ جالپى سانى 667 مىڭعا جەتەعابىل.

ايتا كەتەيىك، الەم بويىنشا قاتەرلى ىندەتكە شالدىققاندار سانى 10,9 ميلليوننان استى. قاتەرلى ۆيرۋستان 521,7 مىڭ ناۋقاس كوز جۇمدى.

ال قازاقستانداعى ەپيدەميولوگيالىق احۋالعا كەلسەك، ەلىمىزدە سوڭعى تاۋلىكتە 1501 ادامنان كوروناۆيرۋس انىقتالىپ، ىندەت جۇقتىرعانداردىڭ جالپى سانى 44 075-كە جەتتى. ىندەتتەن 14 مىڭنان استام ادام ايىقتى. 188 ناۋقاس قايتىس بولدى.

سوڭعى جاڭالىقتار