3 شىلدە, 09:32 495 0 جاھان انار لەپەسوۆا

COVID-19: تۇركيادا ىندەت قۇرباندارىنىڭ سانى 5,1 مىڭنان استى

تۇركيادا وتكەن تاۋلىكتە كوروناۆيرۋستان 12 ادام كوز جۇمىپ،  ىندەت قۇرباندارىنىڭ جالپى سانى 5167-گە جەتتى. بۇل تۋرالى ەلدىڭ دەنساۋلىق ساقتاۋ ءمينيسترى فاحرەتتين كودجا ءوزىنىڭ Twitter پاراقشاسىندا مالىمدەدى، دەپ حابارلايدى انادولى. 

بۇگىنگە دەيىن تۇركيادا 176 965 ادام كوروناۆيرۋس ينفەكتسياسىنان ەمدەلىپ شىققان. ال COVID-19 ۆيرۋسىن جۇقتىرعانداردىڭ جالپى سانى 202 284-كە جەتىپ وتىر. وتكەن تاۋلىكتە 1186 ادامنىڭ ىندەتكە شالدىققانى بەلگىلى بولدى.

ءمينيستردىڭ دەرەگىنشە، وتكەن تاۋلىكتە COVID-19 ۆيرۋسىنىڭ بار-جوعىن تەكسەرەتىن 49 714 تەست جاسالعان. ال پاندەميا باستالعالى بەرى 3,48 ملن تالداۋ الىنىپتى.

دجونس حوپكينس ۋنيۆەرسيتەتىنىڭ سوڭعى دەرەگىنشە، الەمدە كوروناۆيرۋس جۇقتىرعاندار سانى 10,8 ميلليوننان اسىپ جىعىلدى. ىندەتكە شالدىققان ناۋقاستار سانى جونىنەن اقش، برازيليا جانە رەسەي كوش باستاپ تۇر.

 

سوڭعى جاڭالىقتار