2 شىلدە, 20:56 1512 0 كولىك انار لەپەسوۆا

كارانتين كەزىندە قانداي پويىزداردىڭ قوزعالىسى توقتايدى

قازاقستاندا كارانتيننىڭ كۇشەيۋىنە بايلانىستى جولاۋشىلاردى پويىزبەن تاسىمالداۋعا قاتىستى شەكتەۋ شارالارى ەنگىزىلدى.

بۇل تۋرالى قر يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى حابارلادى.

"وسى جىلدىڭ 2 شىلدەسىندە، ەلدەگى اعىمداعى ەپيدەميولوگيالىق جاعدايدى ەسكەرىپ، مەملەكەتتىك كوميسسيا تەمىر جول كولىگىمەن جولاۋشىلاردى تاسىمالداۋ بويىنشا شەكتەۋ شارالارىن ەنگىزۋ تۋرالى شەشىم قابىلدادى", - دەلىنگەن مينيسترلىكتىڭ حابارلاماسىندا.

وسىعان بايلانىستى 5 شىلدەدەن باستاپ №321/322 "الماتى – سارىاعاش" جولاۋشىلار پويىزى ۋاقىتشا توقتاتىلادى.

سونىمەن قاتار، بىرنەشە جولاۋشىلار پويىزىنىڭ ءجۇرۋ جيىلىگى قىسقارادى.

اتاپ ايتساق، №3/4 "الماتى-نۇر-سۇلتان", № 31/32" الماتى-پاۆلودار" جانە  № 67/68" نۇر-سۇلتان-وسكەمەن " پويىزدارى بۇرىنعىداي كۇن سايىن ەمەس، كۇنارا قاتىنايدى.

ال №257/258 "نۇر-سۇلتان-دوستىق" پويىزى اپتاسىنا ەكى رەت ەمەس، تەك ءبىر رەت جۇرەدى.

بۇعان دەيىن 1 شىلدەدەن ەلوردادان شىعاتىن ءۇش پويىزدىڭ قوزعالىسى ۋاقىتشا توقتاتىلعانى حابارلانعان بولاتىن.

  • №19/20 "نۇر-سۇلتان-اتىراۋ";
  • №95/96 " نۇر-سۇلتان-ورال";
  • №701/702 "نۇر-سۇلتان-الماتى".

توتەنشە جاعداي اياقتالعاننان كەيىن، ءبىرىنشى ماۋسىمنان جولاۋشىلار پويىزدارىنىڭ قوزعالىسى كەزەڭ-كەزەڭمەن جاندانا باستادى. بۇگىندە 93 پويىز قاتىنايدى.

 

سوڭعى جاڭالىقتار