2 شىلدە, 18:12 552 0 قوعام انار لەپەسوۆا

14 كۇندىك كارانتين: ۆيتسە-پرەمەر شەكتەۋ شارالارىنىڭ مەرزىمىنە قاتىستى تۇسىنىكتەمە بەردى

مەملەكەتتىك كوميسسيا ەپيدەميولوگيالىق جاعدايدى تۇراقتاندىرۋ جونىندەگى شارالاردىڭ بىرنەشە نۇسقاسىن پىسىقتاعان. ناتيجەسىندە ەكى اپتالىق كارانتين تاڭدالىپ وتىر. مۇنىڭ سەبەبىن ۇكىمەت باسشىسىنىڭ ورىنباسارى  ەرالى توعجانوۆ ءتۇسىندىردى. 

«بىرىنشىدەن، حالىق اراسىندا ۆيرۋستىڭ تارالۋىن بارىنشا ازايتۋ ماقسات ەتىپ قويىلدى. ەكىنشىدەن، ينكۋباتسيالىق كەزەڭ ەكى اپتانى قۇراپ وتىر. ول ماڭىزدى مەرزىم جانە ونى ەسكەرۋ كەرەك بولدى. وسى ورايدا ءتيىستى ەسكەرتۋ جاسادىق»، - دەدى ە. توعجانوۆ.

ۆيتسە-پرەمەر ەكى اپتالىق كارانتيننەن كەيىن قاتاڭ شارالاردى قابىلداۋ تۋرالى ءتيىستى ماسەلە كوتەرىلسە، وندا قاجەتتى كۇشەيتىلگەن شارالار ەنگىزىلۋى مۇمكىن ەكەنىن اتاپ ءوتتى.

ەسكە سالا كەتەيىك، بۇگىن مەملەكەتتىك كوميسسيا ەپيدەميولوگيالىق جاعدايدى تۇراقتاندىرۋ جونىندەگى شارالاردى بەكىتتى. كوميسسيا شەشىمىنە سايكەس، 5 شىلدەدەن باستاپ ەلىمىزدە 14 كۇنگە بىرقاتار شەكتەۋ شارالارى ەنگىزىلەدى.

كاراتين تالاپتارىن ورىنداماعاندار ايىپپۇل ارقالايدى. كارانتيندىك رەجيم مەن سانيتارلىق-ەپيدەميولوگيالىق تالاپتاردى بۇزعانى ءۇشىن اكىمشىلىك جاۋاپكەرشىلىككە جەكە تۇلعالار 30 اەك-كە (1 اەك - 2778 تەڭگە / 30 اەك - 83 340 تەڭگە), ال كاسىپكەرلىك سۋبەكتىلەرى 230 اەك-تەن (638 940 تەڭگە) جوعارى سوماعا تارتىلادى.

 

سوڭعى جاڭالىقتار