2 شىلدە, 17:44 577 0 جاڭالىقتار انار لەپەسوۆا

ەلىمىزگە 700 مىڭ قاپتاما پاراتسەتومول جەتكىزىلدى

قازاقستانعا پاراتسەتامولدىڭ 700 مىڭ قاپتاماسى جەتكىزىلدى.

بۇل تۋرالى دەنساۋلىق ساقتاۋ ءمينيسترى الەكسەي تسوي ايتتى، دەپ حابارلايدى قازاقپارات.

«مەديتسينالىق ۇيىمدارعا ناۋقاستاردى كۆي-دەن ەمدەۋ ءۇشىن انتيبيوتيكتىڭ 16 ءتۇرى ءۇزىلىسسىز جەتكىزىلۋدە. سونىمەن بىرگە كەرەكتى ءدارى-دارمەكتى جەدەلدەتىپ دارىحانالارعا جەتكىزۋ ءۇشىن ديستريبيۋتورلارمەن كەلىسسوزدەر جۇرگىزىلىپ جاتىر. سپەكۋلياتسياعا جول بەرمەۋ ماقساتىندا اكىمدىكتەر ءبىر ادامعا ءدارى-دارمەكتى شەكتەۋلى تۇردە ساتۋ ماسەلەسىن رەتتەپ جاتىر. وسى اپتانىڭ سوڭىنا دەيىن بولشەك ساۋدا جەلىلەرىنە ۆيرۋسقا قارسى پرەپاراتتاردىڭ 70 مىڭ قاپتاماسى جەتكىزىلەدى. ىستىق تۇسىرەتىن دارىلەر، ماسەلەن پاراتسەتومول قازاقستان نارىعىنا تۇسە باستادى. قازىرگى تاڭدا بۇل پرەپاراتتىڭ نارىققا ءارتۇرلى وندىرۋشىلەردەن 700 مىڭ قاپتاماسى جەتكىزىلدى. الداعى ەكى اپتادا پاراتسەتامولدىڭ تاعى 800 مىڭ قاپتاماسىن جەتكىزۋ كوزدەلگەن»، - دەدى الەكسەي تسوي بۇگىن وكق-دا وتكەن ءباسپاسوز ءماسليحاتىندا.

ەسكە سالا كەتسەك بۇگىن قر پرەمەر-ءمينيسترى اسقار ءماميننىڭ توراعالىعىمەن وتكەن مەملەكەتتىك كوميسسيا وتىرىسىندا قر پرەزيدەنتى قاسىم-جومارت توقاەۆتىڭ تاپسىرماسىنا سايكەس قازاقستانداعى ەپيدەميولوگيالىق احۋالدى تۇراقتاندىرۋ شارالارى قارالعان بولاتىن. مەملەكەتتىك كوميسسيانىڭ شەشىمىمەن 5 شىلدەدەن باستاپ ەلىمىزدە 14 كۇنگە قاتاڭ شەكتەۋ شارالارى ەنگىزىلەتىن بولدى.

 

سوڭعى جاڭالىقتار