1 شىلدە, 18:39 472 0 دەنساۋلىق انار لەپەسوۆا

COVID-19: سوڭعى 4 ايدا ىندەتتەن 186 جۋرناليست كوز جۇمدى

سوڭعى ءتورت ايدا كوروناۆيرۋستان 35 مەملەكەتتە كەمىندە 186 جۋرناليست كوز جۇمدى. بۇل مالىمەتتەردى سارسەنبىدە جەنەۆادا Press Emblem Campaign (PEC) ۇكىمەتتىك ەمەس ۇيىم جاريالادى، دەپ حابارلايدى حابار 24.

"2020 جىلدىڭ 1 ناۋرىزى مەن 30 ماۋسىمى ارالىعىندا كەمىندە 186 جۋرناليست COVID-19 اۋرۋىنان قايتىس بولدى" - دەپ حابارلادى PEC.

ال ماۋسىم ايىندا 59 ءتىلشى باقيلىق بولعان. سونىمەن قاتار ۇيىم ناقتى جالپى كورسەتكىش ودان دا جوعارى ەكەنىن مالىمدەدى. ويتكەنى بارلىق ەل ەپيدەميانىڭ بارىسى تۋرالى تولىق اقپارات بەرە المايدى جانە قايتىس بولعانداردىڭ بارلىعى بىردەي كوروناۆيرۋستىق ينفەكتسياعا تەكسەرىلمەگەن.

ۇيىمنىڭ مالىمەتىنشە الەمدە ءباسپاسوز وكىلدەرى اراسىنداعى ءولىم-ءجىتىم بويىنشا ءبىرىنشى ورىن لاتىن امەريكاسىنا تيەسىلى. الدىڭعى شەپتە قىزمەت ەتىپ جۇرگەن 93 جۋرناليست COVID-19-دان كوز جۇمعان.

سوڭعى جاڭالىقتار