1 شىلدە, 18:07 716 0 جاھان انار لەپەسوۆا

رامزان كادىروۆ ءپۋتيندى ءومىر بويىنا رەسەي پرەزيدەنتى ەتىپ سايلاۋدى ۇسىندى

شەشەنستان رەسپۋبليكاسىنىڭ باسشىسى رامزان قادىروۆ ۆلاديمير ءپۋتيندى ءومىر بويىنا رەسەي پرەزيدەنتى ەتىپ سايلاۋدى ۇسىندى. 

ريا ءنوۆوستيدىڭ حابارلاۋىنشا، ول مۇنداي ۇسىنىستى جەرگىلىكتى بيلىكپەن جينالىس وتكىزۋ كەزىندە ايتقان.

شەشەنستان باسشىسى ءوزىنىڭ Telegram-ارناسىندا جيىننان ءۇزىندى جاريالادى.

"ۆلاديمير ءپۋتيندى ءومىر بويىنا پرەزيدەنت سايلاۋعا ءتيىسپىز دەپ ۇنەمى ايتامىن. بۇگىن ونى كىم الماستىرا الادى؟ الەمدىك اۋقىمدا ونداي ساياسي كوشباسشى جوق", – دەپ مالىمدەدى قادىروۆ.

ول سونداي-اق كونستيتۋتسياعا ۇسىنىلعان تۇزەتۋلەردىڭ "مەملەكەتتىك پوزيتسيانى كۇشەيتۋگە" قاتىستى ەكەنىن اتاپ ءوتىپ، ءاربىر رەسەيلىكتى داۋىس بەرۋگە قاتىسۋعا شاقىردى.

ەسكە سالا كەتەيىك، رەسەي كونستيتۋتسياسىنا تۇزەتۋ ەنگىزۋ ءۇشىن داۋىس بەرۋ 25 ماۋسىمدا باستالعان ەدى. ال 1 شىلدە - داۋىس بەرۋدىڭ سوڭعى ءارى نەگىزگى كۇنى.

ورتالىق سايلاۋ كوميسسياسىنىڭ قاۋلىسىنا سايكەس، داۋىس بەرەتىن ۋچاسكەلەر بۇگىن كەشكى 8-گە دەيىن جۇمىس ىستەيدى. جەرگىلىكتى ۋاقىت بويىنشا كەشكى 8-دەن كەيىن داۋىس ساناۋ باستالادى.

ايتا كەتەيىك، رەفەرەندۋم وتكىزۋ ءۇشىن رەسەيدە 96,5 مىڭنان اسا، 144 ەلدە 254 سايلاۋ ۋچاسكەسى اشىلعان. تۇرعىندار سايلاۋ ۋچاسكەسىنە بارىپ داۋىس بەرە الادى. سونداي-اق، رەسەيلىكتەر قاشىقتان جانە ء"موبيلدى سايلاۋشى" مەحانيزمى ارقىلى داۋىس بەرۋگە مۇمكىندىك الدى.

ەگەر تۇرعىنداردىڭ باسىم بولىگى كونستيتۋتسياعا ەنگىزىلگەن وزگەرىستى قولداسا، ەلدىڭ قازىرگى پرەزيدەنتى 67 جاستاعى ۆلاديمير پۋتين 2036 جىلعا دەيىن مەملەكەتتى باسقارۋ مۇمكىندىگىنە يە بولماق.

 

 

سوڭعى جاڭالىقتار