1 شىلدە, 12:52 793 0 جاڭالىقتار ارايلىم بيمەنديەۆا

بەلگىلى ۇستاز ابدىعاپپار سمانوۆ قايتىس بولدى

سارىاعاش مەدرەسە كوللەدجىنىڭ ديرەكتورى، بەلگىلى ۇستاز ابدىعاپپار سمانوۆ قايتىس بولدى. بۇل تۋرالى قازاقستان مۇسىلماندارى ءدىني باسقارماسىنىڭ ءباسپاسوز قىزمەتى حابارلادى.

«سارىاعاش مەدرەسە كوللەدجىنىڭ ديرەكتورى ابدىعاپپار سمانوۆ 2020 جىلدىڭ 1 شىلدەسىندە تاڭعى ساعات 07:45-تە قايتىس بولدى»، — دەلىنگەن اقپاراتتا.

وعان ارتەريالىق قىسىم، گيپەرتونيالىق داعدارىس، قانت ديابەتى، پنەۆمونيا دياگنوزى قويىلعان.

«سمانوۆ «سالما كاراۆان» شيپاجايىندا ەم الىپ جاتقان. لاي قويدىرىپ، اياعىن كۇيدىرىپ العان. اۋرۋحاناعا اۋىر حالدە تۇسكەن. رەنتگەنگە تۇسىرگەندە پنەۆمونيا انىقتالعان»، — دەپ ناقتىلادى قمدب.

ابدىعاپپار سمانوۆ 1970 جىلى 22 اقپاندا تۇركىستان وبلىسى سارىاعاش اۋدانى لەنين سوۆحوزىندا دۇنيەگە كەلگەن.

1987-1989 جىلدارى ارالىعىندا قاجىمۇقان مۇڭايتپاسوۆ اتىنداعى سارىاعاش بالالار جانە جاسوسپىرىمدەر سپورت مەكتەبىندە قازاقشا كۇرەستەن جاتتىقتىرۋشى بولىپ قىزمەت ەتتى.

1989-1993 جىلدار ارالىعىندا وزبەكستان رەسپۋبليكاسى تاشكەنت قالاسىنداعى يمام ءال-بۇحاري اتىنداعى جوعارى يسلام ينستيتۋتىن ۇزدىك ديپلوممەن ءتامامدادى.

1995-2010 جىلدار ارالىعىندا «تاياقتى ەشان» مەشىتى جانىنداعى «ۋباي يبن كااب» مەدرەسەسىن باسقاردى.

2002-2004 جىلدارى اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ ماگيستراتۋرادا ءبىلىم الدى.

2009 جىلدان بەرى قمدب جانىنداعى عۇلامالار كەڭەسىنىڭ مۇشەسى.

2008-2010 جىلدار اراسىندا قۇران كارىمدى تولىق قازاق تىلىنە اۋدارماسىن جازىپ شىقتى.

2010 جىلدىڭ 29 ساۋىرىندە قمدب-نىڭ توراعاسى، باس ءمۇفتي ءابساتتار قاجى دەربىسالىنىڭ № 221 بۇيرىعىمەن  سارىاعاش مەدرەسەسىنىڭ ديرەكتورى بولىپ تاعايىندالدى.

2015 جىلى قازاقستان رەسپۋبليكاسىنىڭ پرەزيدەنتى ن.ءا. نازارباەۆ قازاقستان رەسپۋبليكاسىنىڭ ەل بىرلىگىن نىعايتۋ، بەيبىتشىلىك پەن كەلىسىمدى ساقتاۋ جانە رۋحاني مادەنيەتتى دامىتۋعا قوسقان ەلەۋلى ۇلەسى ءۇشىن قازاقستان حالقى اسسامبلەياسىنىڭ قوعامدىق «بىرلىك» التىن مەدالىمەن ماراپاتتادى.

2016 جىلى «سارىاعاش مەدرەسە كوللەدجىنىڭ» ديرەكتورى بولىپ تاعايىندالدى.

سوڭعى جاڭالىقتار