1 شىلدە, 12:59 587 0 ىشكى ساياسات انار لەپەسوۆا

ەڭبەكشىقازاق اۋدانىنا جاڭا اكىم كەلدى

الماتى وبلىسىنىڭ ەڭبەكشىقازاق اۋدانىنا قۋانىشبەك قاشقىمباەۆ اكىم بولىپ تاعايىندالدى. جاڭا باسشىنى الماتى وبلىسى اكىمىنىڭ ءبىرىنشى ورىنباسارى لياززات تۇرلاشوۆ كوپشىلىككە تانىستىردى.

ق.قاشقىمباەۆ 1962 جىلى تۋعان. ۆ.ي.لەنين اتىنداعى قازاق پوليتەحنيكالىق ينستيتۋتىن، ماسكەۋ مەملەكەتتىك الەۋمەتتىك ۋنيۆەرسيتەتىن بىتىرگەن. ماماندىعى بويىنشا - تاۋ-كەن ينجەنەرى -ەلەكتريك، زاڭگەر. ەڭبەك جولىن قىرعىزستان رەسپۋبليكاسىندا ىستىقكول سوۆحوز تەحنيكۋمىنىڭ جۇمىسشىسى بولىپ باستاعان.

ءار جىلدارى «كازليفت» رەسپۋبليكالىق وندىرىستىك ترەسىنىڭ 1 رازريادتى ەلەكتر مەحانيگى، ۋچاسكە شەبەرى، «ەلەكتروسەت» شاعىن وندىرىستىك كاسىپورنى ديرەكتورىنىڭ ورىنباسارى، «كازجيلكومونتورگ» كوممەرتسيالىق فيرماسىنىڭ تاۋارتانۋشىسى، قۇرىلىس توبىنىڭ جەتەكشىسى، «شارۋا» اق-نىڭ باس مامانى، الماتى قالالىق جەر قاتىناستارى جانە جەرگە ورنالاستىرۋ كوميتەتىنىڭ باس مامانى، «الماتىگەوكاد» جشس-نىڭ بوستاندىق اۋداندىق جەرگە ورنالاستىرۋ ءبولىمىنىڭ باس مامانى، «الماتىگەوكاد» جشس-نىڭ اۋەزوۆ اۋداندىق جەرگە ورنالاستىرۋ ءبولىمىنىڭ باستىعى، «الماتىجەركاداستر» كمك-نىڭ اۋەزوۆ اۋداندىق ءبولىمىنىڭ باستىعى، الماتى قالالىق جەر رەسۋرستارىن باسقارۋ كوميتەتىنىڭ جەتەكشى مامانى، الماتى قالالىق اۋماقتىق جەر رەسۋرستارىن باسقارۋ جونىندەگى باسقارمانىڭ ءبولىم باستىعى، «الماتى قالالىق جەرعوو» ەنشىلەس مەملەكەتتىك كاسىپورنىنىڭ باس ينجەنەرى، ديرەكتوردىڭ ورىنباسارى، ءبىرىنشى ورىنباسارى، ديرەكتورى، الماتى قالاسىنىڭ جەر قاتىناستارى باسقارماسىنىڭ باستىعى، الماتى قالاسى ناۋرىزباي اۋدانىنىڭ اكىمى، الماتى قالاسىنىڭ اۋىل شارۋاشىلىعى جانە ۆەتەريناريا باسقارماسىنىڭ باسشىسى بولىپ جۇمىس ىستەگەن.

الماتى وبلىسى اكىمىنىڭ ءباسپاسوز حاتشىسى عالىمۇرات جۇكەلدىڭ ايتۋىنشا، بۇعان دەيىن ەڭبەكشىقازاق اۋدانىنىڭ اكىمى بولعان ءبينالى ىسقاق زەينەتكە شىقتى.

 

سوڭعى جاڭالىقتار