1 شىلدە, 12:35 539 0 جاھان انار لەپەسوۆا

رەسەي قازاقستاندىقتاردى تىركەۋدەن بوساتتى

رەسەيدە قازاقستاندىقتار قىركۇيەك ايىنىڭ ورتاسىنا دەيىن تىركەۋدەن بوساتىلدى. بۇل تۋرالى رەسەي فەدەراتسياسىنداعى قازاقستان ەلشىلىگى حابارلادى. 

"پرەزيدەنت ۆلاديمير پۋتين "جاڭا كوروناۆيرۋستىق ينفەكتسيانىڭ (COVID-19) ودان ءارى تارالۋ قاۋىپىنە بايلانىستى رەسەي فەدەراتسياسىنداعى شەتەل ازاماتتارى مەن ازاماتتىعى جوق تۇلعالاردىڭ قۇقىقتىق جاعدايىن رەتتەۋ جونىندەگى ۋاقىتشا شارالار تۋرالى" ءوزىنىڭ 2020 جىلعى 18 ساۋىردەگى №274 جارلىعىنا وزگەرىستەر ەنگىزدى.

جارلىققا سايكەس، 2020 جىلدىڭ 15 ناۋرىزى مەن 15 قىركۇيەگى ارالىعىندا تىركەۋ نەمەسە رەسەيدە ۋاقىتشا بولۋعا رۇقسات مەرزىمى اياقتالاتىن قازاقستان ازاماتتارى مىندەتتى تۇردە ەسەپكە قويىلماي، ەلدە ەركىن جۇرە الادى. وسى ۋاقىتتا ولارعا قاتىستى ايىپپۇل سانكتسيالارى مەن دەپورتاتسيا الىنىپ تاستالدى", - دەلىنگەن حابارلامادا.

الايدا، 15 قىركۇيەكتەن كەيىن رەسەيدە قالعىسى كەلەتىن قازاقستان ازاماتتارى ەلدە تۇرۋدى زاڭداستىرۋ بويىنشا قاجەتتى راسىمدەردەن ءوتۋى ءتيىس.

سوڭعى جاڭالىقتار