30 ماۋسىم, 18:07 4210 0 جاڭالىقتار اسىل تۇمار

ءۇش پويىزدىڭ قوزعالىسى توقتادى: جولاۋشىلارعا بيلەت قۇنى قايتارىلادى

«جولاۋشىلار تاسىمالى» اق تالگو ۆاگوندارىنان قۇرالعان 3 كوممەرتسيالىق جولاۋشىلار پويىزىنىڭ قوزعالىسى ۋاقىتشا توقتاتىلعانىن ايتتى، – دەپ جازدى قازاقپارات.

ولار:

– №19/20 «نۇر-سۇلتان-نۇرلى جول - اتىراۋ» رەيسى. پويىز نۇر-سۇلتاننىڭ «نۇرلى جول» ۆوكزالىنان 2020 جىلدىڭ 1 شىلدەسىندە شىعىپ، اتىراۋعا 2 شىلدەدە جەتۋى كەرەك بولعان;

– № 95/96 «نۇر-سۇلتان-نۇرلى جول - ورال» رەيسى. نۇر-سۇلتاننىڭ «نۇرلى جول» ۆوكزالىنان 2020 جىلدىڭ 2 شىلدەسىندە شىعىپ، ورال قالاسىنا 3 شىلدەدە جەتۋى كەرەك بولعان;

– № 701/702 «الماتى-2 - نۇر-سۇلتان-نۇرلى جول» رەيسى. الماتى-2-دەن 2020 جىلدىڭ 1 شىلدەسىندە شىعىپ، نۇر-سۇلتاننىڭ «نۇرلى جول» ۆوكزالىنا 2 شىلدەدە جەتۋى كەرەك بولعان.

وسى اتالعان پويىزدارعا بيلەت الىپ قويعان جولاۋشىلار اقشاسىن تولىق كولەمدە قايتارا الادى. بولماسا قولىنداعى بيلەتىن باسقا ۋاقىتتاعى رەيسكە اۋىستىرۋ مۇمكىندىگى بار.

اتاپ ايتقاندا، بيلەتتەردى مىنا باعىت بويىنشا اۋىستىرۋعا بولادى:

– «نۇر-سۇلتان – اتىراۋ» باعدارى;

– «نۇر-سۇلتان – ورال» باعدارى;

– «نۇر-سۇلتان – الماتى» باعدارى;

– ورال-نۇر-سۇلتان – الماتى باعدارى;

– پەتروپاۆل – نۇر-سۇلتان-الماتى باعدارى.

«باعدارلار بويىنشا قوسىمشا اقپارات الۋ ءۇشىن 105 نومىرىنە (مينۋتىنا 112 تەڭگە) حابارلاسۋعا بولادى. ۇلتتىق تاسىمالداۋشى كەلتىرىلگەن ىڭعايسىزدىققا بايلانىستى جولاۋشىلاردان كەشىرىم سۇرايدى»، – دەلىنگەن كومپانيا حابارلاماسىندا.

سوڭعى جاڭالىقتار