30 ماۋسىم, 17:15 1385 0 جاڭالىقتار اسىل تۇمار

بقو ءبىلىم باسقارماسىنىڭ باسشىسى تاعايىندالدى

وبلىس اكىمىنىڭ وكىمىمەن جانە قر ءبىلىم جانە عىلىم مينيسترلىگىنىڭ كەلىسىمىمەن ايگۇل ادىلگەرەيقىزى مىڭباەۆا بقو ءبىلىم باسقارماسىنىڭ باسشىسى بولىپ تاعايىندالدى.

بقو اكىمىنىڭ ءباسپاسوز قىزمەتىنەن تۇسكەن مالىمەتكە قاراعاندا، ا.مىڭباەۆا 1963 جىلى دۇنيەگە كەلگەن. ءبىلىمى جوعارى.

ا.س.پۋشكين اتىنداعى ورال پەداگوگيكالىق ينستيتۋتىن ماتەماتيكا جانە فيزيكا ءپانى مۇعالىمى ماماندىعى بويىنشا بىتىرگەن. ءار جىلدارى فۋرمانوۆ اۋدانى سارالجىن ورتا مەكتەبى فيزيكا جانە ماتەماتيكا ءپانىنىڭ مۇعالىمى، ورال اگرارلىق-تەحنيكالىق كوللەدجىنىڭ ءى ساناتتى وقىتۋشىسى، بقو ءبىلىم باسقارماسى ورتا جالپى ءبىلىم بەرۋ ءبولىمىنىڭ باس مامانى، مەكتەپكە دەيىنگى جانە ورتا جالپى ءبىلىمدى دامىتۋ ءبولىمىنىڭ باستىعى، باسقارما باستىعىنىڭ ورىنباسارى، باسقارما باسشىسى قىزمەتتەرىن اتقاردى. 2017 جىلدىڭ ماۋسىمىنان باستاپ بقو تىلدەردى دامىتۋ باسقارماسىنا باسشىلىق ەتتى.

ەسكە سالا كەتەيىك، بۇدان بۇرىن پرەزيدەنتتىك جاستار كادر رەزەرۆىنىڭ مۇشەسى بقو اكىمىنىڭ ورىنباسارى بولعانىن جازعان ەدىك.

سوڭعى جاڭالىقتار