30 ماۋسىم, 12:21 438 0 جاڭالىقتار اسىل تۇمار

ەلىمىزدە كورونا-تاكسي قىزمەتى ىسكە قوسىلۋى مۇمكىن

دەنساۋلىق ساقتاۋ ءمينيسترى الەكسەي تسوي ەلىمىزدە جەدەل جاردەم شاقىرۋ جيىلىگىنىڭ ارتۋىنا بايلانىستى كورونا-تاكسي قىزمەتىن ىسكە قوسۋ جوسپارلانىپ وتىرعانىن ءمالىم ەتتى، –دەپ جازدى قازاقپارات.

«حالىقتى تەستپەن بارىنشا قامتاماسىز ەتۋ ءۇشىن جەدەل جاردەم بريگادالارى شاقىرىلعان جەرگە بارىپ، تەست الادى. ءار وڭىردە COVID-2019 بويىنشا حالىقتى تەستپەن قامتۋ ءۇشىن ەپيدەميولوگيالىق احۋالعا بايلانىستى تالاپتاردى ايقىنداۋ كوزدەلىپ وتىر»، – دەدى الەكسەي تسوي وكق-دا وتكەن ءباسپاسوز ءماسليحاتىندا.

ونىڭ ايتۋىنشا، قازىرگى ۋاقىتتا حالىق تاراپىنان جەدەل جاردەم قىزمەتىنە ارىز-شاعىم كوبەيىپ كەتكەن.

«جالپى قازاقستاندا جەدەل جاردەم شاقىرۋ جيىلىگى 1,8 ەسە ارتىپ كەتتى. نۇر-سۇلتان، الماتى قالالارىندا ءتىپتى 2-2,5 جارىم ەسە كوبەيگەن. بريگادالار مەن جەدەل جاردەم كولىگىنىڭ جەتىسپەۋ ماسەلەسى وتە وزەكتى بولىپ تۇر. بۇگىنگە دەيىن وتاندىق وندىرىستەگى 807 اۆتوكولىكتى ساتىپ الۋ تۋرالى كەلىسىمگە قول جەتتى. سونىمەن بىرگە مەديتسينالىق ەمەس ۇيىمداردىڭ كولىگىنىڭ كومەگىمەن كورونا-تاكسي قىزمەتىن ىسكە قوسۋ جوسپارلانىپ وتىر. بۇل ۇسىنىستار ۆەدومتستۆوارالىق كوميسسيانىڭ قاراۋىنا بەرىلدى. قولداۋعا يە بولار دەگەن ۇمىتتەمىن»، – دەدى ول.

سوڭعى جاڭالىقتار