30 ماۋسىم, 11:35 865 0 جاڭالىقتار اسىل تۇمار

COVID-19: جەرلەۋ ءراسىمى وزگەردى

قازاقستاندا كوروناۆيرۋس ينفەكتسياسىنان كوز جۇمعان ادامداردى جەرلەۋ ەرەجەلەرى وزگەرتىلدى. بۇل تۋرالى وكق-دا وتكەن ءباسپاسوز ءماسليحاتىندا دەنساۋلىق ساقتاۋ ءمينيسترى الەكسەي تسوي ايتتى.

«كوز جۇمعان ادامداردى جەرلەۋ ءتارتىبى ماڭىزدى بولىپ قالىپ وتىر. قازىرگى تارتىپكە وزگەرىستەر ەنگىزىلدى: قايتىس بولعان ادامدى سانيتارلىق-ەپيدەميولوگيالىق جانە گيگيەنالىق نورمالاردى ساقتاي وتىرىپ، كەز كەلگەن زيراتقا جەرلەۋگە بولادى»، – دەدى الەكسەي تسوي.

ايتا كەتسەك، كەيىنگى دەرەكتەرگە قاراعاندا قازاقستاندا كوروناۆيرۋستان 188 ادام قايتىس بولعان.

ەسكە سالا كەتسەك، ۇكىمەت 2 كۇننىڭ ىشىندە وسى جىلدىڭ ناۋرىز-مامىر ايىنداعىداي قاتاڭ كارانتين شارالارىن ەنگىزۋ بويىنشا ۇسىنىس ازىرلەۋى ءتيىس. بۇل تاپسىرمانى كوروناۆيرۋس ىندەتىنىڭ تارالۋىنا قارسى شارالار قابىلداۋ جونىندەگى كەڭەس بارىسىندا قر پرەزيدەنتى قاسىم-جومارت توقاەۆ بەرگەن ەدى.

سوڭعى جاڭالىقتار