30 ماۋسىم, 09:55 656 0 جاڭالىقتار اسىل تۇمار

ەۋروپا وداعى 1 شىلدەدەن باستاپ شەكاراسىن اشادى

ەۋروپالىق وداق ازاماتتارعا 1 شىلدەدەن باستاپ ءوز اۋماعىنا كىرۋگە رۇقسات بەرىلگەن 14 ەلدىڭ ءتىزىمىن اتادى. بۇل تىزىمگە رەسەي، اقش، قىتاي برازيليا، قازاقستان كىرمەيدى، – دەپ جازدى قازاقپارات BBC اگەنتتىگى.

ەۋروپا بيلىگىنىڭ شەشىمىنە سايكەس، كوروناۆيرۋستىڭ تارالۋى تۇرعىسىنان «قاۋىپسىز» دەپ تانىلعان ەلدەر: الجير، اۋستراليا، كانادا، گرۋزيا، جاپونيا، چەرنوگوريا، ماروككو، جاڭا زەلانديا، رۋاندا، سەربيا، وڭتۇستىك كورەيا، تايلاند، تۋنيس جانە ۋرۋگۆاي.

بۇل تىزىمگە وزگەرىس ەنگىزىلۋى مۇمكىن، ول ەكى اپتا سايىن قايتا قارالىپ وتىرادى. ديپلوماتيالىق اقپارات كوزدەرىنە سۇيەنسەك، قىتاي بيلىگى ەۋروپالىقتارعا وسىنداي قۇقىق بەرسە، قىتاي دا قاۋىپسىز ەلدەر تىزىمىنە قوسىلۋى مۇمكىن. ۇلىبريتانيا رەسمي تۇردە ەو-دان شىقتى، بىراق ول ەۋرووداقپەن وتپەلى كەزەڭ ءۇشىن، كەم دەگەندە، وسى جىلدىڭ 31 جەلتوقسانىنا دەيىن ورتاق ساياسات جۇرگىزەدى. سوندىقتان بريتاندىق ازاماتتار ەو تۇرعىندارى سياقتى بىردەي قۇقىققا يە.

BBC ەۋروپالىق رەداكتورى كاتيا ادلەر حابارلاعانداي، سەيسەنبى كۇنى تۇستەن كەيىن ەو قاۋىپسىز دەپ تانىلعان ەلدەردى رەسمي كريتەريلەرى بويىنشا ناقتى ماقۇلداۋعا نيەتتى.

الايدا، ەو مۇشەلەرىنىڭ كوپشىلىگى جوعارىدا اتالعان ەلدەردىڭ تىزىمىمەن كەلىسكەن.

سوڭعى جاڭالىقتار