29 ماۋسىم, 20:19 347 0 قوعام انار لەپەسوۆا

پرەزيدەنت اۋىلدى جەرلەردە ءموبيلدى زەرتحانالار ۇيىمداستىرۋدى تاپسىردى

مەملەكەت باسشىسى ەلىمىزدە زەرتحانالىق زەرتتەۋلەردىڭ تيىمدىلىگىن ارتتىرۋدى، رەاگەنتتەردى ۇزدىكسىز جەتكىزۋدى، پتر زەرتحانالارىنىڭ سانى مەن قۋاتىن ارتتىرۋدى تاپسىردى. 

«ازاماتتار زەرتحانالاردىڭ ماڭىنداعى ۇزىن-سونار كەزەككە، كەزەكتە سانيتارلىق نورمالاردىڭ ساقتالماۋىنا ءادىل شاعىمدارىن جاساۋدا. وسىنىڭ بارلىعى ينفەكتسيا جۇقتىرۋدىڭ قاتەرىنە الىپ كەلەدى. سوندىقتان ىندەتتى جۇقتىرۋدى الدىن الۋ مەن ورتالىقتاندىرىلعان تۇردە ءبولۋ مەن ەسەپكە الۋدى قامتاماسىز ەتۋ ماقساتىندا پتر-تەستىنى قاتاڭ تۇردە ونلاين تىركەۋمەن نەمەسە Call-ورتالىق ارقىلى جۇرگىزۋ كەرەك»، - دەدى پرەزيدەنت.

قاسىم-جومارت توقاەۆتىڭ ايتۋىنشا، ينفەكتسيا وشاقتارىنداعى جۇمىستارعا ءموبيلدى زەرتحانالاردى ۇيىمداستىرۋ قاجەت. اسىرەسە، اۋىلدى جەرلەردە وسىنداي زەرتحانالار قامتىلۋى ءتيىس. پرەزيدەنت ءموبيلدى قىزمەتتەردى ارى قاراي دامىتۋعا قارجى ءبولۋدى جۇكتەدى.

ايتا كەتەيىك، بۇعان دەيىن ۇكىمەتكە 2 كۇننىڭ ىشىندە وسى جىلدىڭ ناۋرىز-مامىر ايىنداعىداي قاتاڭ كارانتين شارالارىن ەنگىزۋ بويىنشا ۇسىنىس ازىرلەۋدى تاپسىرعان.

سونداي-اق، مەملەكەت باسشىسى اكىمدەر مەن مينيسترلەردىڭ حالىقتىڭ ارىز-شاعىمىنا دەر كەزىندە جاۋاپ بەرمەيتىنىن سىنعا الدى. .

سوڭعى جاڭالىقتار