29 ماۋسىم, 19:48 368 0 ايماق انار لەپەسوۆا

ورالدا 349 ادام پنەۆمونياعا شالدىققان

باتىس قازاقستان وبلىسىندا كوروناۆيرۋسقا شالدىققاندار سانى 1431 ادامعا جەتتى.  ايماقتا 821 اۋرۋ وشاعى انىقتالعان.

وڭىردە تەك ماۋسىم ايىندا وڭىردە سىرقاتىنىڭ كلينيكالىق بەلگىلەرى جوق 1071 تاسىمالداۋشى تىركەلىپتى. ناۋقاستاردىڭ 893-ءى ەمدەلىپ شىققان. وبلىستاعى ەمدەۋ نىساندارىندا ورىن جەتىسپەۋشىلىنە بايلانىستى قالالىق كوپبەيىندى اۋرۋحانا بازاسىندا قوسىمشا 389 ينفەكتسيالىق توسەك جاساقتالدى. تەك دەمالىس كۇندەرى ستاتسيونارعا 86 ناۋقاس كەلىپ ءتۇسىپتى.

"512 پاتسيەنت ستاتسيونارلىق ەم الۋدا. سونىڭ ىشىندە 13 بالا، 13 جۇكتى ايەل جەڭىل دارەجەدە 19, ورتاشا دارەجەدە 435, اۋىر دارەجەدە 58 ادام. ونىڭ ىشىندە  پنەۆمونيامەن 349 پاتسيەنت ءتۇستى، توعىزى بالا. وكپەنى جاساندى  جەلدەتۋ اپپاراتىنا 14 ادام قوسىلعان. بارلىعى ەرەسەك", - دەيدى وبلىستىق دەنساۋلىق ساقتاۋ باسقارماسىنىڭ باسشىسى بولاتبەك قايۋپوۆ.

ايتا كەتەيىك، وتكەن تاۋلىكتە ەلىمىزدە 547 ادامنان كوروناۆيرۋس انىقتالىپ، رەسپۋبليكا بويىنشا ىندەتكە شالدىققانداردىڭ جالپى سانى 21,3 مىڭعا جەتتى. ىندەتتەن 13 مىڭنان استام ادام ەمدەلىپ شىقتى. دەرتى اسقىنعان 183 ادام كوز جۇمدى.

سوڭعى جاڭالىقتار