29 ماۋسىم, 17:28 533 0 ونەر انار لەپەسوۆا

ديماش تاعى دا قىتايداعى ەڭ ۇزدىك شەتەل ءارتىسى اتاندى

7 جانە 28 ماۋسىم ارالىعىندا قىتايدىڭ تانىمال Sina پلاتفورماسىندا Sina News پەن Sina Entertainment ۇيىمداستىرۋىمەن "Leading 2020 Sina Entertainment festival" داۋىس بەرۋ ءراسىمى ءوتتى، دەپ حابارلايدى dimashnews.com. 

21 كۇن داۋىس بەرۋ قورىتىندىسى بويىنشا ديماش 1.404.488 داۋىس جيناپ، "ەڭ ۇزدىك تانىمال شەتەل ءارتيسى" نوميناتسياسىن جەڭىپ الدى.

Sina (قىتاي تىلىندە: 新浪; pinyin: Xīn Làng) – بۇكىل الەمگە بايلانىس ورناتۋعا اشىق پلاتفورما ۇسىنىپ وتىرعان قىتايلىق ينتەرنەت-كومپانيا. كومپانيانىڭ 4 نەگىزگى قىزمەت باعىتى بار: ولار Sina Weibo, Sina Mobile, Sina Online جانە Sinanet. Sina باعىتىنىڭ الەم بويىنشا 100 ميلليوننان استام تىركەلگەن قولدانۋشىسى بار.

1

Sina كومپانياسى مەن ونىڭ پلاتفورمالارىنىڭ قىتايدىڭ مەديا كەڭىستىگى مەن كوڭىل كوتەرۋ سالاسىندا ىقپالى وراسان زور. Sina Weibo – Twitter-گە ۇقساس، قىتايداعى ميكروبلوگينگ نارىعىنىڭ 56,5%-ىن قامتىپ وتىرعان الەۋمەتتىك ميكروبلوگ-جەلى. سونىمەن قاتار، بۇل سۇيىكتى ايدولدارىنا قولداۋ ءبىلدىرۋ ءۇشىن جينالاتىن فاناتتاردىڭ ەڭ ءىرى ءارى ماڭىزدى پلاتفورماسى. سونىمەن بىرگە، تانىمال ادامدار Weibo جەلىسىندە جەكە اككاۋنتتار تىركەپ، شىعارماشىلىعىمەن ءبولىسىپ، فاناتتارىمەن بايلانىس ورناتادى.

دەمەۋشىنىڭ ايتۋىنشا، "Leading 2020 Sina Entertainment festival" شاراسىنىڭ باستى ماقساتى – 2020 جىلدىڭ ءبىرىنشى جارتىسىندا ۇزدىك دەپ تانىلعان فيلمدەر، تەلەباعدارلامالار، مۋزىكالىق شىعارمالار جانە ۆارەتەمەن كوپشىلىكپەن ءبولىسۋ. وسىلايشا، ارتيستەرمەن جانە ولاردىڭ جۇمىستارىمەن كوبىرەك ادام تانىسىپ، كوڭىل كوتەرۋ يندۋسترياسى دامۋىنا وڭ اسەرىن تيگىزەدى.

سوڭعى جاڭالىقتار