29 ماۋسىم, 15:50 772 0 قوعام انار لەپەسوۆا

الماتىداعى ەڭ ءىرى اۆتوبۋس پاركتەرىنىڭ ءبىرى جۇمىسىن توقتاتتى

الماتىدا جولاۋشىلار تاسىمالىمەن اينالىسىپ كەلگەن "اۆتوترانسگاز" جشس جۇمىسىن توقتاتتى. الماتى قالاسى موبيلدىلىك باسقارماسىنىڭ باسشىسى ەرلان ءادىلوۆتىڭ ايتۋىنشا، كومپانيانىڭ جابىلۋىنا قارجىلاي قيىندىقتار سەبەپ بولعان. 

بۇل مەكەمە قالاداعى № 3, 16, 29, 29ر، 34, 47, 50, 85, 106, 107, 112, 126 باعىتتار بويىنشا قىزمەت كورسەتىپ كەلگەن.

قالا اكىمدىگى، سونداي-اق، "اۆتوترانسگاز" جشس جۇمىسىن بيىل قاڭتار ايىندا توقتاتاتىنى تۋرالى حابارلاعانىن جەتكىزدى.

"كومپانيانىڭ جابىلۋى – بۇل قالىپتى بيزنەس ءۇردىس. مەكەمەدەگى اۆتوبۋستاردىڭ ءبىر بولىگى جاڭارتۋدى قاجەت ەتكەن، ال كومپانيا وعان دايىن بولمادى. سوندىقتان نارىقتان كەتۋ شەشىمىن قابىلدادى. اۆتوبۋس باعىتتارىن وزگە تاسىمالداۋشىلارعا ءبولىپ بەرۋ قاراستىرىلعان، ولار جاڭا اۆتوبۋس ساتىپ الۋلارى كەرەك بولعان. الايدا پاندەمياعا بايلانىستى اۆتوبۋس ساتىپ الۋدى كەيىنگە قالدىردى", - دەيدى اكىمدىكتەگىلەر.

سوڭعى جاڭالىقتار