29 ماۋسىم, 15:11 2555 0 ساياسات انار لەپەسوۆا

دانيار ەسين جاڭا قىزمەتكە تاعايىندالدى

دانيار ەسين «رۋحاني جاڭعىرۋ» قازاقستاندىق قوعامدىق دامۋ ينستيتۋتى» كەاق باسقارما توراعاسى بولىپ تاعايىندالدى.

ول 2019 جىلدىڭ ماۋسىمىنان 2020 جىلدىڭ 26 ماۋسىمىنا دەيىن قر اقپارات جانە قوعامدىق دامۋ ۆيتسە-ءمينيسترى قىزمەتىن اتقاردى.

2002 جىلى قر قارجى پوليتسياسى اكادەمياسىن «قۇقىقتانۋ» ماماندىعى بويىنشا تامامداعان، 2013 جىلى قازاقستان-رەسەي ۋنيۆەرسيتەتىندە «ەكونوميكا» ماماندىعى بويىنشا وقىپ شىقتى.

2016 جىلى رف پرەزيدەنتىنىڭ جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىندا «زاڭ» ماماندىعىن وقىپ ءبىتىردى. 2016 جىلدان قازىرگى ۋاقىتقا دەيىن قمەبي ۋنيۆەرسيتەتىندە جەتەكشىلەرگە ارنالعان ExecutiveMBA (ەركىن وقۋ جۇيەسى، دەمالىس كۇندەرى) يگەرۋدە.

ەڭبەك جولىن 1998 جىلى اكادەميادا باستادى. 2007 جىلدان باستاپ ءارتۇرلى باسشىلىق قىزمەتتەر اتقاردى. ءار جىلدارى استانا قالاسىنىڭ ينۆەستيتسيالار جانە دامۋ باسقارماسىندا قىزمەت ەتكەن.

2015-2016 جىلدار ارالىعىندا استانا قالاسى ينۆەستيتسيالار جانە دامۋ باسقارماسى باسشىسىنىڭ ورىنباسارى جانە باسشىسى بولدى.

2016-2018 جىلدار ارالىعىندا استانا قالاسىنىڭ ءدىن ىستەرى باسقارماسىنىڭ باسشىسى قىزمەتىن اتقاردى.

2018-2019 جىلدارى نۇر-سۇلتان قالاسىنىڭ قوعامدىق دامۋ ىستەرى باسقارماسىن باسقاردى. قۇرمەت وردەنىمەن، «استانا قالاسىنا 20 جىل»، «استانانىڭ 10 جىلدىعى»، «قازاقستان رەسپۋبليكاسىنىڭ تاۋەلسىزدىگىنە 25 جىل»، «قازاقستان رەسپۋبليكاسىنىڭ تاۋەلسىزدىگىنە 20 جىل وردەندەرىمەن دانە ەلوردامىزدىڭ دامۋىنا قوسقان ۇلەسى ءۇشىن قر پرەزيدەنتىنىڭ العىس حاتتارىمەن ماراپاتتالعان. سونداي-اق، قوعامدىق جۇمىستارعا بەلسەندى ارالاسادى. «دزيۋدو كۇرەسى فەدەراتسياسى» قب پرەزيدەنتى.

 

سوڭعى جاڭالىقتار