29 ماۋسىم, 14:48 525 0 سپورت انار لەپەسوۆا

«قايساردىڭ» 25 ويىنشىسىنان كوروناۆيرۋس انىقتالدى

«قايسار» فۋتبول كلۋبىنىڭ باس جاتتىقتىرۋشىسى ستويچو ملادەنوۆتىڭ ايتۋىنشا، كلۋب ويىنشىلارى اراسىندا كوروناۆيرۋس جۇقتىرۋ وقيعاسى تىركەلگەن، دەپ حابارلايدى  Sports.kz.

«قايساردىڭ» 10 ويىنشىسىنىڭ تاپسىرعان تالداۋى كوروناۆيرۋس بار ەكەنىن انىقتادى. ەگەر «بايقوڭىر» جاستار كومانداسىنداعى ينفەكتسياعا شالدىققانداردى قوسساق، جالپى سىرقاتتانعاندار سانى 25-كە جەتەدى. مەن جانە مەنىڭ باپكەرلەر شتابىمنىڭ وكىلدەرى، سونىمەن قاتار بولگاريادان كەلگەن الەكساندار كولەۆتىڭ ۆيرۋسقا تاپسىرعان تالداۋى تەرىس ناتيجە كورسەتتى»، - دەپ اتاپ ءوتتى ملادەنوۆ.

سونىمەن قاتار، باس جاتتىقتىرۋشى «قايساردىڭ» 1 شىلدەگە جوسپارلانعان ويىنى وتەر-وتپەسىن بىلمەيدى. «جاتتىعۋدى توقتاتتىق، شەشىمدى كۇتىپ وتىرمىز»، دەدى ول.

ايتا كەتسەك، 1 شىلدەدە «قايسار» قازاقستان چەمپيوناتىندا «تارازعا» قارسى ويناۋى كەرەك بولاتىن.

 

سوڭعى جاڭالىقتار