29 ماۋسىم, 13:20 563 0 جاڭالىقتار انار لەپەسوۆا

"جۋسان" وپەراتسياسى: تەرروريستىك بەلسەندىلىك ايماعىنان قازاقستاندىق 163 ايەل ەلگە قايتارىلدى

اقپارات جانە قوعامدىق دامۋ ءمينيسترى ايدا بالاەۆا ورتالىق كوممۋنيكاتسيالار قىزمەتىندە وتكەن حالىققا ەسەپ بەرۋ كەزدەسۋىندە ءدىني ەكسترەميزممەن كۇرەس جۇمىستارىنىڭ ناتيجەلەرىنە توقتالدى. 

"جۋسان" وپەراتسياسى اياسىندا تەرروريستىك بەلسەندىلىك ايماعىنان قايتارىلعان 163 ايەلدى قايتا الەۋمەتتەندىرۋ بويىنشا كەشەندى الدىن الۋ جۇمىستارىن جۇرگىزۋگە ەرەكشە نازار اۋدارىلدى. بۇگىنگى تاڭدا ولاردىڭ 144-ءى راديكالدى ءدىني كوزقاراستاردان باس تارتتى، ال كەيبىرەۋلەرى زايىرلى ءومىر سالتىنا تولىعىمەن كوشتى", - دەدى ايدا بالاەۆا.

ۆەدومستۆو باسشىسىنىڭ سوزىنشە، 2019 جىلى الەۋمەتتىك جەلىلەردە، ەلەكتروندىق باق جانە باسقا دا ينتەرنەت-الاڭداردا ءدىني ەكسترەميزم يدەولوگياسىنا قارسى ناسيحاتتاۋ اياسىندا 5,3 مىڭنان استام ينتەرنەت-رەسۋرستاردىڭ مازمۇنى تالدانعان. ونىڭ ىشىندە 3,2 مىڭى قۇقىققا قارسى سيپاتتاعى ماتەريالداردى قامتيدى. ولاردىڭ بارلىعى ۋاقىتىلى بۇعاتتالعان.

ايتا كەتەيىك، بۇعان دەيىن ايدا بالاەۆا قازاقستاندىق باق-تى مەملەكەتتىك قولداۋ قادامدارى قايتا قارالاتىنىن مالىمدەگەن.

سونداي-اق، مينيستر ەلىمىزدە ەكى جاڭا تەلەارنا – «اباي تۆ» جانە «ءال – فارابي» ارنالارى اشىلاتىنىن حابارلاعان.

سوڭعى جاڭالىقتار