29 ماۋسىم, 12:53 348 0 جاڭالىقتار انار لەپەسوۆا

مەملەكەتتىك اقپاراتتىق تاپسىرىستار قايتا فورماتتالادى – مينيستر

اقپارات جانە قوعامدىق دامۋ ءمينيسترى ايدا بالاەۆا حالىققا ەسەپ بەرۋ كەزدەۋىندە مينيسترلىكتىڭ وتاندىق باق-تى دامىتۋعا قاتىستى جوسپارلارىن جاريالادى. 

«قازىرگى تاڭدا ءبىزدىڭ ۆەدومستۆونىڭ الدىندا بىرقاتار مىندەت تۇر. جۇمىستىڭ تابىستى بولۋى وسى مىندەتتەردىڭ ىسكە اسىرىلۋىنا بايلانىستى. باق-تى دامىتۋ سالاسىندا مەملەكەتتىك اقپاراتتىق تاپسىرىستار قايتا فورماتتالادى. بۇل رەتتە اناليتيكالىق ماتەريالداردىڭ، شىعارماشىلىق جانە مۋلتيمەديالىق كونتەنتتىڭ ۇلەسى ارتادى»، - دەدى ايدا بالاەۆا.

ءمينيستردىڭ ايتۋىنشا، باسپا باق-تىڭ، ينتەرنەت-رەسۋرستار مەن تەلەراديوحولدينگتەردىڭ قۇرىلۋى ارقىلى مەملەكەتتىك مەديارەسۋرستار وڭتايلاندىرىلادى. سونىمەن قاتار، قازمەديا ورتالىعى مودەرنيزاتسيادان وتپەك.

ايتا كەتەيىك، بۇعان دەيىن ايدا بالاەۆا قازاقستاندىق باق-تى مەملەكەتتىك قولداۋ قادامدارى قايتا قارالاتىنىن مالىمدەگەن.

سونداي-اق، مينيستر ەلىمىزدە ەكى جاڭا تەلەارنا – «اباي تۆ» جانە «ءال – فارابي» ارنالارى اشىلاتىنىن حابارلاعان.

 

سوڭعى جاڭالىقتار