29 ماۋسىم, 12:23 714 0 ىشكى ساياسات انار لەپەسوۆا

وتاندىق باق-تى مەملەكەتتىك قولداۋدىڭ قادامدارى قايتا قارالادى – ايدا بالاەۆا

قازاقستاندىق باق-تى مەملەكەتتىك قولداۋدىڭ قادامدارى قايتا قارالادى. بۇل تۋرالى اقپارات جانە قوعامدىق دامۋ ءمينيسترى ايدا بالاەۆا مالىمدەدى.

«وتاندىق باق-تىڭ باسەكەگە قابىلەتتىگىن ارتتىرۋ اياسىندا بۇقارالىق اقپارات قۇرالدارىن مەملەكەتتىك قولداۋدىڭ قادامدارى قايتا قارالدى. تيىمدىلىك مەن ساپانى باعالاۋدى ەنگىزۋمەن رەسپۋبليكالىق ءارى وڭىرلىك دەڭگەيدە مەملەكەتتىك اقپاراتتىق تاپسىرىستى ورنالاستىرۋدى بىرىڭعاي جۇيەسى قۇرىلادى»، - دەدى مينيستر ورتالىق كوممۋنيكاتسيالار قىزمەتىندە ونلاين رەجيمدە وتكەن حالىققا ەسەپ بەرۋ كەزدەسۋى بارىسىندا.

ايدا بالاەۆانىڭ سوزىنشە، وتاندىق ءباسپاسوزدى قولداۋ، تسيفرلىق راديوحابار مەن ينتەرنەت تەلەارنەانى دامىتۋ، اقپارات سالاسىندا مەملەكەتتىك ۇيىمداردى وڭتايلانلىرۋ بويىنشا شارالار كەشەنى ىسكە اسىرىلادى.

ايتا كەتەيىك، بۇعان دەيىن مينيستر ەلىمىزدە ەكى جاڭا تەلەارنا – «اباي تۆ» جانە «ءال – فارابي» ارنالارى اشىلاتىنىن حابارلاعان.

 

سوڭعى جاڭالىقتار