29 ماۋسىم, 12:09 498 0 جاڭالىقتار انار لەپەسوۆا

ەرتەڭ ەلىمىزدە «اباي تۆ» تەلەارناسى ىسكە قوسىلادى

30 ماۋسىمدا «اباي تۆ» تەلەارناسى ىسكە قوسىلادى.  بۇل تۋرالى قر اقپارات جانە قوعامدىق دامۋ ءمينيسترى ايدا بالاەۆا مالىمدەدى، دەپ حابارلايدى BAQ.KZ. 

ءمينيستردىڭ ايتۋىنشا، ۆەدومستۆو وتاندىق اقپاراتتىق كەڭىستىكتىڭ باسەكەگە قابىلەتتىلىگىن دامىتۋ جانە ارتتىرۋ بويىنشا دايەكتى جۇمىستار جۇرگىزۋدە. قازىرگى ۋاقىتتا ەكى جاڭا «اباي تۆ» جانە «ءال – فارابي» تەلەارنالارىن اشۋ ماسەلەسى قاراستىرىلۋدا.

«اباي تۆ» تەلەارناسىن ەرتەڭ - 30 ماۋسىمدا ىسكە قوسامىز. ول «قازاقستان» ترك قۇرامىنا كىرەدى جانە وتاندىق مادەنيەتتىڭ بايلىعى مەن مۇراسىنا ارنالعان جاڭا ارنا بولادى، - دەدى ول.

ايدا بالاەۆاەنىڭ ايتۋىنشا، ەكىنشى «ءال – فارابي» تەلەجوباسى «حابار» اگەنتتىگىنىڭ بازاسىندا وقۋ جىلىنىڭ باسىندا ىسكە قوسىلادى.

«ءال-فارابي» ارناسى 6 جاستان 18 جاسقا دەيىنگى بالالار مەن جاسوسپىرىمدەر اۋديتورياسى بار جاڭا ءبىلىم بەرۋ – اعارتۋ تەلەۆيزيالىق پلاتفورماعا اينالادى. مۇنداي ارنانىڭ وزەكتىلىگى اسىرەسە، پاندەميا كەزىندە بايقالدى، - دەدى ول.

سونداي-اق، مينيستر وتاندىق سەريالدىق ونىمدەر ءوندىرىسى جالعاساتىنىن ايتتى.

"بيىل 42 سەريال ءوندىرىسى جوسپارلانعان. كورەرمەندەر نازارىنا وتباسى قۇندىلىقتارى، ۆولونتەرلەردىڭ قىزمەتى تۋرالى قىزىقتى جوبالار، پەداگوگتار، دارىگەرلەر، پوليتسەيلەردىڭ ءيميدجىن كوتەرۋگە، سالاماتتى ءومىر سالتىن ناسيحاتتاۋعا باعىتتالعان سەريالدار ۇسىنىلادى", - دەدى ول.

سوڭعى جاڭالىقتار