29 ماۋسىم, 11:35 603 0 الەۋمەت انار لەپەسوۆا

ەلىمىزدە جۇمىسسىز جاستار سانى 3,8 پايىزعا ازايدى

قازاقستاندا جۇمىسسىز جاستار سانى 3,8 پايىزعا ازايدى، دەپ حابارلايدى  finprom.kz. 

پورتالدىڭ زەرتتەۋىنشە ەلىمىزدە وسى جىلدىڭ العاشقى توقسانىندا 15–28 ارالىعىنداعى 78,9 مىڭ جۇمىسسىز جاس ازامات بولعان. بۇل – ەلدەگى جۇمىسسىزداردىڭ 17,8 پايىزى. ءبىر جىلدىڭ ىشىندە بۇل كورسەتكىش 5,8 پايىزعا ازايسا، جۇمىسسىز جاستار دەڭگەيى 3,8 پايىزعا تومەندەگەن.

«جۇمىسسىزداردىڭ كوبى حالىق تىعىز ورنالاسقان ايماقتاردا شوعىرلانعان. ماسەلەن 15-28 ارالىعىنداعى جۇمىسسىز جاستاردىڭ كوبى الماتى قالاسى(15,7 مىڭ), الماتى وبلىسى (7,7 مىڭ) مەن تۇركىستان (6,4 مىڭ) وبلىسىندا ءجۇر. ءوز كەزەگىندە 15–28 جاس ارالىعىنداعى جۇمىسى بار جاستاردىڭ سانى 2 ميلليون ادامعا جەتتى. جۇمىستان قىسقارۋ جاعدايىنىڭ كوبى جامبىل (−22,4%), شىعىس قازاقستان (−13,9%) جانە اقتوبە (−11,3%) وبلىستارىندا تىركەلگەن. جالپى جۇمىسى بار جاستاردىڭ كوبى الماتى وبلىسىندا (247,7 مىڭ) شوعىرلانعان. بۇل باعىتتاعى ۇزدىك ۇشتىككە الماتى قالاسى (245,8 مىڭ) جانە تۇركىستان وبلىسى (175,5 مىڭ) ەندى»، - دەلىنگەن حابارلامادا.

جاستار ەڭبەك ەتەتىن جۇمىس سالالارىنىڭ العاشقى بەستىگىنە ساۋدا، اۋىل جانە ورمان، بالىق شارۋاشىلىعى، ءبىلىم، قۇرىلىس جانە مەملەكەتتىك باسقارۋ، قورعانىس كىرەدى.

 

سوڭعى جاڭالىقتار