29 ماۋسىم, 10:33 518 0 نۇر وتان انار لەپەسوۆا

ب.بايبەك: امەريكالىق جانە وتاندىق ساراپشىلار پرايمەريزگە قاتىسۋشىلار اراسىنداعى دەباتتاردىڭ ماڭىزدىلىعىن اتاپ ءوتتى

«Nur Otan» پارتياسى توراعاسىنىڭ ءبىرىنشى ورىنباسارى باۋىرجان بايبەك The Washington Times گازەتىندە جارىق كورگەن امەريكاندىق ساراپشى دجەسسي دجەين داففتىڭ "How democracy is growing in Kazakhstan" اتتى ماقالاسىنا قاتىستى پىكىر ءبىلدىردى.

"اقش-تىڭ بەدەلدى باسىلىمىندا مۇنداي ماقالانىڭ جاريالانۋى بۇل ەلدىڭ وڭىردەگى قوعامدىق-ساياسي وزگەرىستەرگە دەگەن ايتارلىقتاي قىزىعۋشىلىعىن اڭعارتادى. «Nur Otan» پارتياسى اۋقىمدى قايتا جاندانۋدى جۇرگىزىپ، ءوز پرايمەريزىن ىسكە قوسا وتىرىپ، تۇراقتى تۇردە دەموكراتيانى قولداپ كەلە جاتقانىن كورسەتىپ وتىر. امەريكاندىق ساراپشى دا وسىنى اتاپ كورسەتكەن.

ەلىمىز تاۋەلسىزدىگىن العان ساتتەن باستاپ ءوزىن دەموكراتيالىق، قۇقىقتىق، الەۋمەتتىك مەملەكەت رەتىندە دامىتىپ كەلەدى. قوعامدىق-ساياسي قارىم-قاتىناستاردى ليبەرالداندىرۋدىڭ قازىرگى ناتيجەسى – تۇڭعىش پرەزيدەنت، ەلباسى ن.ءا. نازارباەۆتىڭ ەڭبەگى", - دەپ جازدى ب.بايبەك Faceebook پاراقشاسىندا.

ونىڭ ايتۋىنشا، پروپورتسيونالدى سايلاۋ جۇيەسىنە كوشۋ پارتيالىق جۇيەنىڭ دامۋ پروتسەسىنە جول اشىپ، الداعى سايلاۋلاردا ساپالى پارتيالىق تىزىمدەردىڭ ءرولىن كۇشەيتپەك.

"ەلباسىنىڭ تاپسىرماسىمەن وتكەن جىلعى تامىزدا «Nur Otan» «سەنىم. ديالوگ. بولاشاققا نىق قادام» اتتى پارتيانى قايتا جانداندىرۋ باعدارلاماسىن قولعا الدى. پارتيالىق كادرلىق رەزەرۆكە پيلوتتىق ىرىكتەۋ بويىنشا اۋقىمدى جۇمىس اتقارىلدى، ءماجىلىس پەن ماسليحاتتارداعى دەپۋتاتتىق فراكتسيالار جۇمىسى جانداندىرىلىپ، بارلىق دەڭگەيدە پارتيالىق جاۋاپكەرشىلىك كۇشەيتىلدى. اۋقىمدى دەڭگەيدە پارتيانىڭ «قاتارى تازارتىلدى»، كوپتەگەن پارتيالىق كوميسسيالار مەن باستاۋىش ۇيىمدار وڭتايلاندىرىلدى، «كورىنىم» ءۇشىن وتكىزىلەتىن ءىس-شارالار سانى قىسقارتىلدى. پارتيانىڭ قوعامدىق قابىلداۋلارى، ونىڭ ىشىندە ونلاين-رەسۋرستارى ارقىلى حالىقپەن تىكەلەي كوممۋنيكاتسيا جاساۋدىڭ ءتيىمدى جۇيەسى جولعا قويىلدى. زەرتتەۋلەرگە سايكەس حالىقتىڭ قۇقىعىن قورعاۋ ماسەلەسى بويىنشا پارتياعا سەنىم سوتتان كەيىن ەكىنشى ورىندا تۇر", - دەيدى پارتيا توراعاسىنىڭ ءبىرىنشى ورىنباسارى.

سونداي-اق، باۋىرجان بايبەك مەملەكەت باسشىسى ق.ك. توقاەۆتىڭ ساباقتاستىق ساياساتى اياسىندا «حالىق ۇنىنە قۇلاق اساتىن مەملەكەت» تۇجىرىمداماسىنا سايكەس ەلدىڭ قوعامدىق-ساياسي سالاسىن ليبەرالداندىرۋ پروتسەسىنە جاڭا سەرپىن بەرگەنىن اتاپ ءوتتى.

ء"بىر جىل ىشىندە ءبىراز زاڭدارعا، ونىڭ ىشىندە سايلاۋلارعا قاتىستى وزگەرىستەر ەنگىزىلدى، ايەلدەر مەن جاستار ءۇشىن ارنايى كۆوتالار بەلگىلەندى، بەيبىت جيىندار ۇيىمداستىرۋ مەن وتكىزۋ تالاپتارى جەڭىلدەتىلدى، سونداي-اق پارلامەنتتىك وپپوزيتسيا مارتەبەسى زاڭمەن بەكىتىلدى. ناتيجەسىندە قازىرگى كەزدە قازاقستاندا ساياساتتانۋشىلار مەن ساراپشىلاردى تولعاندىرىپ جۇرگەن ساياسي جاڭعىرۋعا قاتىستى بارشا ماسەلەلەر بويىنشا ەلەۋلى وزگەرىستەر ىسكە اسىرىلدى. پارتيالاردىڭ باسەكەلەستىگى ءۇشىن ءتيىستى جاعداي جاسالدى، بۇل دەموكراتياعا قاراي ەۆوليۋتسيالىق تۇرعىدان العا باسۋدى قامتاماسىز ەتەدى.

پارتيامىزدىڭ الدىندا ۇمىتكەرلەردى پارتياىشىلىك ىرىكتەۋ شاراسى تۇر. بۇل بۇكىل ەل كولەمىندە العاش رەت وتكىزىلمەك. پرايمەريزدىڭ مىندەتى – لايىقتى ءارى مىقتى ليدەردەردى تارتۋ جانە «Nur Otan»-نىڭ حالىقتىق پارتيالىق ءتىزىمىن قالىپتاستىرۋ. بۇل رەتتە بەلسەندى ايەلدەر مەن جاستار اۋقىمدى دەڭگەيدە بارىنشا قامتىلماق.", - دەپ جازدى ب.بايبەك.

ونىڭ سوزىنشە، باسەكەلىك ىرىكتەۋ ۇمىتكەرلەردىڭ جەكە جاۋاپكەرشىلىكتەرىن ارتتىرىپ، سايلاۋشىلاردىڭ سەنىمىنە يە بولعان، بەدەلدى ليدەرلەردى انىقتاۋعا مۇمكىندىك بەرەدى. وسىلايشا بۇل پارتيالىق جەلى بويىنشا بىرەگەي الەۋمەتتىك ليفتكە اينالماق.

"امەريكاندىق جانە ءوزىمىزدىڭ ساراپشىلاردىڭ قاتىسۋشىلار اراسىنداعى جاريا دەباتتاردىڭ ماڭىزدىلىعىن اتاپ ءوتۋى كەزدەيسوق ەمەس. الەۋەتتى ۇمىتكەرلەر اراسىنداعى دەباتتار حالىقتى وڭىرلىك جانە جالپىۇلتتىق ماسەلەلەردى تالقىلاۋعا بارىنشا قاتىستىرۋعا مۇمكىندىك بەرەدى.

بىرقاتار رەسۋرستار مەن اۆتورلاردىڭ ەلىمىز تۋرالى جاعىمسىز سيپاتتاعى جاريالانىمداردى ىقىلاسپەن تاراتىپ، تۇسىندىرمەلەر جازىپ، ال مۇنداي ماقالالاردى ەلەۋسىز قالدىراتىنى بايقالادى.

جالپى، بۇل جاريالانىم – ترانزيت جاعدايىندا قازاقستانداعى قوعامدىق-ساياسي پروتسەسستەردى ليبەرالداندىرۋ مەن «Nur Otan» پارتياسىن قايتا جانداندىرۋ ناتيجەلەرىنە شەتەلدىكتەر تاراپىنان بەرىلگەن العاشقى باعالاردىڭ ءبىرى. داففتىڭ تۇجىرىمى قوعامىمىزداعى كونسترۋكتيۆتى وي-پىكىرلەرمەن ۇندەس. تاياۋدا بەلگىلى ساياساتتانۋشىلار مەن بەلسەندىلەر «Nur Otan» جاقتاستارىنىڭ ليگاسىن قۇرۋ تۋرالى مالىمدەگەنى بەلگىلى. ونىڭ ماقساتى – پرايمەريزدىڭ اشىق وتۋىنە ىقپال ەتۋ. ءبىز مۇنداي باستامالاردى قۇپتايمىز. پاندەمياعا بايلانىستى احۋال تۇراقتانىسىمەن ليگا وكىلدەرىمەن كەزدەسۋ جوسپارلانىپ وتىر. سول كەزدە ولاردىڭ ۇسىنىستارىن جان-جاقتى تالقىلاماقپىز.

پارتيا مەملەكەتتىك تاۋەلسىزدىگىمىزدى نىعايتۋ، قازاقستاندى وركەندەتۋ سەكىلدى قۇندىلىقتارىمىزدى بولىسە وتىرىپ، پرايمەريزگە قاتىساتىن، ەلىمىزدى ءارى قاراي دامىتۋ بويىنشا ءوز يدەيالارى مەن ۇسىنىستارىن ورتاعا سالاتىن بارشا ازاماتقا اشىق. بيلەۋشى پارتيادا پارتياىشىلىك باسەكە ءۇشىن بارلىق قاجەتتى جاعداي جاسالعان!", - دەپ قورىتتى ءسوزىن.

سوڭعى جاڭالىقتار