29 ماۋسىم, 09:36 463 0 جاھان انار لەپەسوۆا

رەسەيلىكتەردىڭ جۇمىس اپتاسى قىسقارادى

رەسەي تۇرعىندارى وسى اپتادا 4 كۇن عانا جۇمىس ىستەيدى. ال 1 شىلدە كۇنى جۇمىس ىستەگەندەر ەكى ەسە جالاقى الادى، دەپ حابارلايدى تاسس. 

29 ماۋسىم مەن 5 شىلدە ارالىعىندا رەسەيدە جۇمىس اپتاسى قىسقارادى. ويتكەنى 1 شىلدە - كونستيتۋتسياعا ەنگىزىلەتىن تۇزەتۋلەر ءۇشىن داۋىس بەرەتىن نەگىزگى كۇن. بۇل كۇنى ەلدە دەمالىس جاريالانعان.

رەسەي كونستيتۋتسياسىنا تۇزەتۋ ەنگىزۋ ءۇشىن داۋىس بەرۋ 25 ماۋسىمدا، ەلدىڭ بارلىق وڭىرىندە باستالعان ەدى. ال پرەزيدەنت جارلىعىمەن داۋىس بەرەتىن نەگىزگى كۇن - 1 شىلدە. بۇل - ەلدە كوروناۆيرۋس ينفەكتسياسى تارالماس ءۇشىن قولعا الىنعان شارا.

ورتالىق سايلاۋ كوميسسياسىنىڭ قاۋلىسىنا سايكەس، داۋىس بەرەتىن ۋچاسكەلەر 25 ماۋسىم مەن 1 شىلدە ارالىعىندا تاڭعى ساعات 8-دەن كەشكى 8-گە دەيىن جۇمىس ىستەيدى. 1 شىلدە كۇنى جەرگىلىكتى ۋاقىتپەن كەشكى 8-دەن كەيىن داۋىس ساناۋ باستالادى.

ايتا كەتەيىك، رەفەرەندۋم وتكىزۋ ءۇشىن رەسەيدە 96,5 مىڭنان اسا، 144 ەلدە 254 سايلاۋ ۋچاسكەسى اشىلعان. تۇرعىندار سايلاۋ ۋچاسكەسىنە بارىپ داۋىس بەرە الادى. سونداي-اق، قاشىقتان جانە ء"موبيلدى سايلاۋشى" مەحانيزمى ارقىلى داۋىس بەرۋگە مۇمكىندىك بار.

ەگەر رەسەيلىكتەردىڭ باسىم بولىگى كونستيتۋتسياعا ەنگىزىلگەن وزگەرىستى قولداسا، ەلدىڭ قازىرگى پرەزيدەنتى 67 جاستاعى ۆلاديمير پۋتين 2036 جىلعا دەيىن مەملەكەتتى باسقارۋ مۇمكىندىگىنە يە بولماق.

 

سوڭعى جاڭالىقتار