5 ماۋسىم, 16:27 3012 0 جاڭالىقتار اسىل تۇمار

پەداگوگتەردىڭ جالاقىسى جىل سايىن 25 پايىزعا ۇلعايىپ وتىرادى

سۋرەت عالامتوردان الىندى
سۋرەت عالامتوردان الىندى

2023 جىلعا دەيىن مادەنيەت جانە سپورت سالاسىنداعى مەكتەپ پەن كوللەدج پەداگوگتەرىنىڭ جالاقىسى جىل سايىن 25 پايىزعا ۇلعايىپ وتىرادى، – دەپ جازدى قازاقپارات.

ونلاين رەجيمدە وتكەن حالىق الدىندا ەسەپ بەرۋ كەزدەسۋىندە مادەنيەت جانە سپورت ءمينيسترى اقتوتى رايىمقۇلوۆا: «مادەنيەت جانە سپورت قىزمەتكەرلەرىنىڭ ءال-اۋقاتىن ارتتىرۋ – ءبىزدىڭ جۇمىسىمىزدىڭ نەگىزگى باعىتتارىنىڭ ءبىرى. مەملەكەت باسشىسىنىڭ جولداۋىن ىسكە اسىرۋ شەڭبەرىندە 2020 جىلدىڭ 1 قاڭتارىنان باستاپ مادەنيەت جانە ونەر ۇيىمدارى قىزمەتكەرلەرىنىڭ جالاقىسى رەسپۋبليكالىق دەڭگەيدە 50 پايىزعا، ول ورتا ەسەپپەن العاندا 96 مىڭنان 139 مىڭ تەڭگەگە دەيىن، وڭىرلەردە 35 پايىزعا، سايكەسىنشە 96 مىڭنان 126 مىڭ تەڭگەگە دەيىن ءوستى. جالپى، مۇنداي ءوسىم شامامەن 34 مىڭ ادامدى قامتىدى»، – دەپ اتاپ ءوتتى.

سونىمەن قاتاپ، ءمينيستردىڭ ايتۋىنشا 2020 جىلعى 1 قاڭتاردان باستاپ مادەنيەت جانە سپورت سالاسىنداعى مامانداندىرىلعان مەكتەپ جانە كوللەدج پەداگوگتەرىنىڭ جالاقىسى جىل سايىن 2023 جىلعا دەيىن 25 پايىزعا ۇلعايىپ وتىرادى. ناقتىراق ايتقاندا ول ەڭبەكاقى 2020 جىلى – 25 پايىزعا، 2021 جىلى – 50 پايىزعا، 2022 جىلى – 75 پايىزعا، 2023 جىلى 100 پايىزعا وسەدى.

سوڭعى جاڭالىقتار