5 ماۋسىم, 14:52 522 0 جاھان ارايلىم بيمەنديەۆا

سەنات توراعاسى اقش ەلشىسىمەن كەزدەستى

پارلامەنت سەناتىنىڭ توراعاسى ماۋلەن اشىمباەۆ اقش-تىڭ قازاقستانداعى توتەنشە جانە وكىلەتتى ەلشىسى ۋيليام موزەرمەن كەزدەستى.

كەزدەسۋ بارىسىندا تاراپتار ەكى ەل اراسىنداعى ەكونوميكالىق، الەۋمەتتىك-مادەني جانە ساياسي قارىم-قاتىناس ماسەلەلەرى بويىنشا پىكىر الماستى.

سەنات توراعاسى ەل پرەزيدەنتى ق.ك.توقاەۆتىڭ ساياسي رەفورمالارىن زاڭنامالىق قامتاماسىز ەتۋگە باعىتتالعان پالاتانىڭ جۇمىسىنا توقتالىپ، مەملەكەت باسشىسىنىڭ جاڭعىرتىلعان جالپى كۇن ءتارتىبىن ءسوز ەتتى.

سونداي-اق، ماۋلەن اشىمباەۆ قازاقستاننىڭ دەموكراتيالىق ۇدەرىستەردى دامىتۋدى جالعاستىرۋعا نيەتتى ەكەنىنە باسا ءمان بەرىپ، ەكى ەلدىڭ پارلامەنت وكىلدەرى اراسىنداعى ىنتىماقتاستىقتى ودان ءارى نىعايتۋ قاجەتتىگىن اتاپ ءوتتى.

سوڭعى جاڭالىقتار