5 ماۋسىم, 12:03 927 0 جاڭالىقتار اسىل تۇمار

ايەلدەردى ۇرىپ-سوعۋدى قولداعان جوو وقىتۋشىسى جۇمىستان بوساتىلدى

سۋرەت عالامتوردان الىندى
سۋرەت عالامتوردان الىندى

ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى ايەلدەردى ۇرىپ-سوعۋ تۋرالى اتىشۋلى پىكىر جازعان وقىتۋشىنى جۇمىستان شىعاردى، – دەپ جازدى قازاقپارات.

بۇعان دەيىن الەۋمەتتىك جەلىدە ە.سۇلەيمەنوۆ ەسىمدى قولدانۋشى ايەلدەردى ۇرۋ كەرەكتىگىن جازىپ، ءوزىن يسلاميست، ۇلتشىل، جيدوفوب دەپ اتاعان. كەيىنىرەك ونىڭ ەۋرازيا ۇلتتىق ۋنيۆەرسيتەتىنىڭ وقىتۋشىسى ەكەنى انىقتالدى.

«ۋنيۆەرسيتەت ە.سۇلەيمەنوۆكە قاتىستى تەكسەرۋ جۇمىسىن قورىتىندىلادى. ەتيكا جونىندەگى كوميسسيا ونىڭ ءىس-ارەكەتىن جالپىادامزاتتىق ادەپ نورمالارىنا ساي كەلمەيدى دەپ باعالادى. اتالعان كوميسسيا ۇسىنىمىمەن ە.سۇلەيمەنوۆپەن ەڭبەك كەلىسىمشارتىن بۇزۋ تۋرالى رەكتور بۇيرىعى شىقتى»، – دەپ جازدى ەۇۋ ءباسپاسوز قىزمەتى.

سوڭعى جاڭالىقتار