5 ماۋسىم, 09:55 398 0 جاڭالىقتار اسىل تۇمار

پوليتسيا جول ەرەجەسىن بۇزعان تۇلەكتەر كورتەجىنە قاتىستى تۇسىنىكتەمە بەردى

سۋرەت - kris_p_almaty
سۋرەت - kris_p_almaty

الماتى پوليتسياسى جول ەرەجەسىن بۇزعان مەكتەپ ءبىتىرۋشى تۇلەكتەر كورتەجىنە قاتىستى تۇسىنىك بەردى.

الەۋمەتتىك جەلىلەردە كورتەج ۇيىمداستىرعانداردىڭ ۆيدەوسى تارادى. وندا تۇلەكتەر جول ەرەجەسىن ورەسكەل بۇزىپ، كولىك تەرەزەسىنەن باسىن شىعارعان. پوليتسيا دەپارتامەنتى كوپشىلىكتىڭ نازارىن اۋدارعان كورتەجگە بايلانىستى تۇسىنىك بەردى.

ايتۋلارىنشا، كىنالىلەر جاۋاپقا تارتىلادى.

«مەكتەپ ءبىتىرۋشى تۇلەكتەردىڭ كورتەجىنە قاتىسقانداردىڭ ارقايسىسىنىڭ ءىس-ارەكەتىنە قۇقىقتىق باعا بەرىلىپ، اكىمشىلىك جاۋاپكەرشىلىككە تارتىلادى»، – دەپ حابارلادى پوليتسيادان.

ايتا كەتەيىك، بيىل پاندەمياعا بايلانىستى قازاقستاننىڭ مەكتەپ بىتىرۋشىلەرى 3-4 ماۋسىمدا بارلىق سانيتارلىق نورمالاردى ساقتاپ، اتتەستات العان بولاتىن.

سوڭعى جاڭالىقتار