4 ماۋسىم, 19:20 547 0 دەنساۋلىق انار لەپەسوۆا

COVID-19: قازاقستاندا رەسمي ستاتيستيكادان تىس تاعى قانشا ادام كوز جۇمدى؟

كوروناۆيرۋستىڭ رەسمي ستاتيستيكاسىندا تىركەلگەن 48 ادامنان بولەك، ەلىمىزدە ىندەت جۇقتىرعانداردىڭ تاعى 37-ءسى كوز جۇمعان.

دەنساۋلىق ساقتاۋ ءمينيسترى ەلجان ءبىرتانوۆتىڭ ايتۋىنشا، بۇگىنگە دەيىن كوروناۆيرۋسپەن تىركەلگەن 12 124 ادامنىڭ 48-ءى قايتىس بولدى. بۇل - ناۋقاستاردىڭ 0,4 پايىزى.

«ارينە، بۇدان بولەك 37 جاعدايدا باسقا اۋرۋدان قايتىس بولعان ناۋقاستا كوروناۆيرۋس بولعاندىقتان، ولار دا تىركەۋگە الىندى. بىراق، ءبىزدىڭ رەسمي ستاتيستيكاعا كىرگىزگەن جوقپىز. ونىڭ سەبەبى - دۇنيەجۇزىلىك دەنساۋلىق ساقتاۋ ۇيىمىنىڭ ءتارتىبى، رەگلامەنتى بويىنشا دياگنوز قويامىز»، - دەدى ۆەدومستۆو باسشىسى.

ە. ءبىرتانوۆ قازاقستاندا كوروناۆيرۋس جۇقتىرعانداردىڭ 1 پايىزى عانا اۋىر جاعدايدا ەكەنىن جەتكىزدى.  سونداي-اق،  ەلىمىزدە 100 مىڭ تۇرعىنعا شاققاندا ۆيرۋستان كوز جۇمعانداردىڭ ۇلەسى - 0,3 پايىزدى قۇرايتىنىن اتاپ ءوتتى. ءمينيستردىڭ سوزىنشە، بۇل وزگە كوپتەگەن ەلدەرگە قاراعاندا ايتارلىقتاي تومەن كورسەتكىش.

ايتا كەتەيىك، بۇعان دەيىن دەنساۋلىق ساقتاۋ ءمينيسترى ەلىمىزدە كوروناۆيرۋستى سيمپتومسىز وتكەرەتىن ناۋقاستاردى ەمدەۋ ءتاسىلى وزگەرەتىنىن مالىمدەگەن بولاتىن.

 

سوڭعى جاڭالىقتار