4 ماۋسىم, 16:33 333 0 جاھان انار لەپەسوۆا

COVID-19: برازيليادا ءبىر تاۋلىكتە 1,3 مىڭ ناۋقاس كوز جۇمدى

برازيليادا وتكەن تاۋلىكتە كوروناۆيرۋستان كوز جۇمۋدىڭ 1 349 دەرەگى تىركەلدى. ءبىر كۇن ىشىندە 28 مىڭنان اسا ادامنىڭ ىندەت جۇقتىرعانى بەلگىلى بولدى. بۇل تۋرالى ەلدىڭ دەنساۋلىق ساقتاۋ مينيسترلىگى مالىمدەدى، دەپ حابارلايدى ريا نوۆوستي.  

دجونس حوپكينس ۋنيۆەرسيتەتىنىڭ دەرەگىنشە، برازيليا كوروناۆيرۋس جۇقتىرعاندار سانى بويىنشا الەمدە ەكىنشى ورىندا تۇر. ال ۆيرۋستان ءولىم-ءجىتىم سانى بويىنشا ءتورتىنشى ورىنعا كوتەرىلگەن.

دەنساۋلىق ساقتاۋ مينيسترلىگىنىڭ سوڭعى مالىمەتتەرى بويىنشا، ەلدە COVID-19 ىندەتىنە شالدىققانداردىڭ جالپى سانى 584 016-عا جەتكەن.  قاتەرلى ۆيرۋستان 32 548 ادام قايتىس بولعان. ال  238 مىڭنان اسا ناۋقاس ەمدەلىپ شىقتى.

بۇگىندە الەم بويىنشا  6 524 369 ادامنان كوروناۆيرۋس انىقتالدى. دجونس حوپكينس ۋنيۆەرسيتەتىنىڭ مالىمەتىنە سۇيەنسەك، دۇنيە جۇزىندە ىندەت قۇرباندارىنىڭ سانى 386 289-عا جەتكەن.

ال ەلىمىزدەگى ەپيدەميولوگيالىق احۋالعا كەلسەك، قازاقستاندا سوڭعى تاۋلىكتە كوروناۆيرۋس جۇقتىرۋدىڭ 271 جاڭا دەرەگى تىركەلىپ, ىندەتكە شالدىققانداردىڭ جالپى سانى 12067-گە جەتتى. قاتەرلى ۆيرۋستان 48 وتانداسىمىز كوز جۇمدى.

سوڭعى جاڭالىقتار