4 ماۋسىم, 14:41 853 0 جاھان انار لەپەسوۆا

لۋكاشەنكو بەلارۋس ۇكىمەتىن وتستاۆكاعا جىبەردى

بەلارۋس پرەزيدەنتى الەكساندر لۋكاشەنكو ەل ۇكىمەتىن وتستاۆكاعا جىبەردى. ءتيىستى قاۋلىنى مەملەكەت باسشىسى كەشە، 3 ماۋسىمدا قابىلدادى، دەپ حابارلايدى بەلتا.

بۇعان دەيىن لۋكاشەنكو جاڭا ۇكىمەتتىڭ قۇرامىن، سونداي-اق بىرقاتار باسقا ماسەلەلەردى تالقىلاۋعا ارنالعان جيىن وتكىزگەن. جيىندا بەلورۋسسيا پرەزيدەنتى  مينيسترلەر كابينەتىنىڭ قۇرامىن تولىق جاڭارتۋعا نيەتتى ەمەس ەكەنىن ايتقان. ونىڭ ايتۋىنشا، ۇكىمەتتەن تەك ەكونوميكالىق داعدارىس كەزىندە وزىنە ارتىلعان جۇمىس كولەمىن يگەرە المايتىندار عانا باسقا جۇمىسقا باعىتتالادى. لۋكاشەنكونىڭ كىمدى مەڭزەگەنى بەلگىسىز.

ايتا كەتەيىك، 9 تامىزدا بەلورۋسسيادا پرەزيدەنت سايلاۋى وتەدى. ەلدىڭ قازىرگى پرەزيدەنتى سايلاۋ ءادىل ءارى جۇيەلى تۇردە وتەتىنىنە سەندىردى.

الەكساندر لۋكاشەنكو بەلورۋسسيانى 1994 جىلدان بەرى ءۇزىلىسسىز باسقارىپ كەلەدى. بۇگىندە ول بەسىنشى وكىلەتتىلىك مەرزىمىن اتقارۋدا.

سوڭعى جاڭالىقتار