4 ماۋسىم, 09:09 520 0 ساياسات انار لەپەسوۆا

ەڭبەك جانە حالىقتى الەۋمەتتىك قورعاۋ ءمينيسترىنىڭ جاڭا ورىنباسارى تاعايىندالدى

قر ۇكىمەتىنىڭ قاۋلىسىمەن سەرىك جامبىلۇلى شاپكەنوۆ قر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى قىزمەتىنە تاعايىندالدى. بۇل تۋرالى قر پرەمەر-ءمينيسترىنىڭ ءباسپاسوز قىزمەتى حابارلادى.

س. شاپكەنوۆ 1979 جىلى باتىس قازاقستان وبلىسى قاراتوبە اۋىلىندا تۋعان. باتىس قازاقستان مەملەكەتتىك ۋنيۆەرسيتەتىن «ەكونوميست-ماتەماتيك» ماماندىعى بويىنشا بىتىرگەن.

ەڭبەك جولىن 2000 جىلى باتىس قازاقستان مەملەكەتتىك ۋنيۆەرسيتەتىندە وقىتۋشى بولىپ باستادى. ءتۇرلى جىلدارى باتىس قازاقستان وبلىسى اكىمىنىڭ اپپاراتى قۇرىلىمىندا جۇمىس ىستەدى.

2012-2015 جىلدارى باتىس قازاقستان وبلىسى اكىمىنىڭ ءبىرىنشى ورىنباسارى بولدى.

2015-2016 جىلدارى — قر پرەزيدەنتى اكىمشىلىگىنىڭ مەملەكەتتىك باقىلاۋ جانە اۋماقتىق ۇيىمداستىرۋ جۇمىسى ءبولىمىنىڭ مەملەكەتتىك ينسپەكتورى.

2016-2018 جىلدارى — اتىراۋ قالاسىنىڭ اكىمى. 2018 جىلدان باستاپ قازىرگى ۋاقىتقا دەيىن اتىراۋ وبلىسى اكىمىنىڭ ءبىرىنشى ورىنباسارى بولدى.

 

سوڭعى جاڭالىقتار