3 ماۋسىم, 15:15 4230 0 جاڭالىقتار اسىل تۇمار

اۋا رايىنىڭ بۇزىلۋىنا بايلانىستى بىرنەشە وڭىردە ەسكەرتۋ جاريالاندى

قازگيدرومەتتىڭ مالىمەتىنشە، 4 ماۋسىمدا ماڭعىستاۋ وبلىسىنىڭ سولتۇستىگىندە نايزاعاي جارقىلدايدى. وڭتۇستىك-شىعىستان سوعاتىن جەل سولتۇستىك-باتىسقا اۋىسادى. جەلدىڭ كۇشى كەي جەرلەردە 15-20 م/س جەتەدى. كۇندىز وڭتۇستىكتە 38 گرادۋس اپتاپ ىستىق ساقتالادى.

4 ماۋسىمدا باتىس قازاقستان وبلىسىندا كەي جەرلەردە كۇن كۇركىرەيدى. سولتۇستىك-شىعىستان جانە شىعىستان كۇشتى جەل سوعادى. كۇندىز كەي جەردە جەلدىڭ جىلدامدىعى 15-20 م/س دەيىن كۇشەيەدى.كۇندىز ورال قالاسىندا نايزاعاي ويناپ، سولتۇستىك-شىعىستان جانە شىعىستان سوققان جەلدىڭ ەكپىنى 18 م/س بولادى.

بۇعان قوسا، 4-6 ماۋسىم كۇندەرى قازاقستاننىڭ سولتۇستىگىندە كۇن سالقىندايدى.

«سكانديناۆيا اۋداندارىنان جىلجىعان انتيتسيكلون رەسپۋبليكانىڭ سولتۇستىك، ورتالىق جانە شىعىس ايماقتارىنداعى اۋا رايىنا اسەر ەتىپ، ءوز كەزەگىندە ول اۋا تەمپەراتۋراسىن تومەندەدى. بۇل ايماقتاردىڭ كەي جەرلەرىندە اتموسفەرالىق فرونتالدى بولىكتەردىڭ وتۋىمەن بىرگە جاڭبىر، بۇرشاق جاۋىپ، نايزاعاي وينايدى. يران اۋماعىنان كەلگەن جىلى اۋا ماسسالارىمەن بىرگە ەلىمىزدىڭ وڭتۇستىگى مەن وڭتۇستىك باتىسىندا ىستىق ءارى قۇرعاق كۇن رايى ساقتالادى. كەي جەرلەردە جەل كۇشەيىپ، وڭتۇستىكتە شاڭدى داۋىل بولادى»، – دەلىنگەن حابارلامادا.

سوڭعى جاڭالىقتار