3 ماۋسىم, 14:23 2932 0 جاڭالىقتار اسىل تۇمار

زەينەتاقى جارناسى ەكى ەسە قىسقارادى – زاڭ جوباسى

سۋرەت عالامتوردان الىندى
سۋرەت عالامتوردان الىندى

پارلامەنت ماجىلىسىندە «قر كەيبىر زاڭنامالىق اكتىلەرىنە شەتەل ۆاليۋتاسىنداعى يپوتەكالىق قارىزدار جانە كورسەتىلەتىن تولەم قىزمەتتەرى نارىعىنىڭ سۋبەكتىلەرىن رەتتەۋدى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ءبىرىنشى وقىلىمدا ماقۇلداندى، – دەپ جازدى قازاقپاراتى.

«مەملەكەت باسشىسىنىڭ تاپسىرماسىن ورىنداۋ ماقساتىندا پارلامەنت دەپۋتاتتارى ازىرلەگەن زاڭ جوباسى حالىقتىڭ ۆاليۋتالىق يپوتەكالىق قارىزى ماسەلەلەرىن، سونىمەن بىرگە تولەم قىزمەتتەرى نارىعىنداعى سۋبەكتىلەردىڭ رەتتەلۋىن جەتىلدىرۋ سۇراقتارىن قامتيدى. تۇڭعىش پرەزيدەنت 2018 جىلدىڭ 10 قاڭتارىنداعى جولداۋىندا حالىقتىڭ ۆاليۋتالىق يپوتەكالىق قارىزى بويىنشا ناقتى شەشىم قابىلداۋدى تاپسىرعان ەدى. 2018 جىلدىڭ 27 ناۋرىزىندا يپوتەكالىق قارىزداردى قايتا قارجىلاندىرۋ باعدارلاماسى باستالدى. ول 2016 جىلدىڭ 1 قاڭتارىنا دەيىن 2015 جىلدىڭ 18 تامىزىنداعى تەڭگە باعامى بويىنشا (1 دوللار – 188,35 تەڭگە) جەكە تۇلعالارعا بەرىلگەن يپوتەكالىق قارىزداردى قايتا قارجىلاندىرۋدى قاراستىردى»، – دەدى ءماجىلىستىڭ جالپى وتىرىسىندا دەپۋتات سەرگەي سيمونوۆ.

ونىڭ ايتۋىنا قاراعاندا، ۆاليۋتالىق يپوتەكالىق قارىز الۋشىلاردى باعدارلامامەن تولىققاندى قامتاماسىز ەتىپ، كەلەشەكتە ۆاليۋتا بويىنشا قاۋىپتەردى سەيىلتۋ ءۇشىن زاڭناماعا بىرقاتار وزگەرىس ەنگىزۋ كوزدەلگەن. ول بويىنشا بانكتەرگە قارىز الۋشىنىڭ ءوتىنىشىنسىز 2015 جىلدىڭ 18 تامىزىنداعى باعام بويىنشا جەكە تۇلعالاردىڭ يپوتەكالىق قارىزدارىنىڭ كونۆەرتاتسياسىن جۇرگىزۋ قۇقىعى بەرىلمەك.

«بۇل باعىتتاعى جۇمىس قىسقا ۋاقىتتىڭ ىشىندە ەلباسىنىڭ تاپسىرماسىن ورىنداۋعا جول اشادى. تولەم قىزمەتتەرى نارىعىنداعى سۋبەكتىلەردى رەتتەۋدى جەتىلدىرۋ بويىنشا: 2019 جىلدىڭ 2 قىركۇيەگىندە ءوز جولداۋىندا مەملەكەت باسشىسى اقشانىڭ جىلىستاۋى مەن بانكتىك ەمەس قارجىلىق ۇيىمداردىڭ قىزمەتى ارقىلى شەتەلگە كاپيتال شىعارۋ قاۋپىن ازايتۋ ءۇشىن قوسىمشا شارالاردى قابىلداۋدى تاپسىرعان ەدى. وسىعان بايلانىستى قۇقىققا قارسى وپەراتسيالاردى جەتىلدىرۋ ءۇشىن تولەم ۇيىمدارىنىڭ قىزمەت مۇمكىندىكتەرىن ازايتاتىن وزگەرىستەر جاسالدى. ناقتىراق ايتقاندا قولدانۋشىنىڭ يدەنتيفيكاتسياسى بويىنشا جاڭا تالاپتار ەنگىزىلەدى. بەلگىسىز ء(انونيمدى) ءامياندار اراسىنداعى اۋدارىمدارعا تىيىم سالىنادى. وپەراتسيا بارىسىندا ليميت ەنگىزىلەدى. سونىمەن قاتار جەكە كاسىپكەرلەر مەن زاڭدى تۇلعالار ءۇشىن تولەم سەرۆيسىنىڭ مۇمكىندىكتەرى كەڭەيتىلەدى»، – دەدى سپيكەر زاڭ جوباسىنىڭ نورمالارىن تۇسىندىرە وتىرىپ.

ول سونىمەن بىرگە تولەم ۇيىمدارىنىڭ جارعىلىق كاپيتالىنىڭ تومەنگى مولشەرىن انىقتاۋ بويىنشا ۇلتتىق بانكتىڭ قۇزىرەتى ارتىپ كەلە جاتقانىن اتاپ ءوتتى. قۇقىققا قارسى وپەراتسيالاردىڭ ۇردىستەرىن قامتاماسىز ەتۋ بويىنشا تولەم جۇيەسى وپەراتورىنا مىندەتتەمەلەر جۇكتەلەدى.

«ۇسىنىلىپ وتىرعان وزگەرىستەر قولما-قول اقشاسىز اقشا اينالىمىنىڭ اشىقتىعىن ارتتىرۋعا، اقشانى جىلىستاتۋ قاۋپىن ازايتاتىن مەحانيزم قۇرۋعا، تولەم قىزمەتى تۇتىنۋشىلارىنىڭ قۇقىعىن قورعاۋعا مۇمكىندىك بەرەدى. اتالمىش زاڭ جوباسىنىڭ اياسىندا ۇكىمەت قۇرعان 2020 جىلدىڭ سوڭىنا دەيىن ەكونوميكالىق ءوسىمدى قالپىنا كەلتىرۋ بويىنشا كەشەندى جوسپاردى جۇزەگە اسىرۋعا باعىتتالعان وزگەرىستەر ەنگىزىلىپ وتىر. بۇل نورمالار ءىرى ينۆەستيتسيالىق جوبا اياسىندا زاڭدى تۇلعالار ءۇشىن زاڭناماعا وزگەرىستەر ەنگىزىلگەن كەزدە تۇراقتىلىقتى قامتاماسىز ەتۋگە باعىتتالعان. ميكروقارجىلىق قىزمەت ۇسىناتىن ۇيىمداردىڭ جۇمىسىنا ليزەنزيانى ەنگىزۋ كوزدەلەدى. تۇرعىن ءۇي جيناق بانكىنىڭ جۇمىسىن جەتىلدىرىپ، ازاماتتىق-قۇقىقتىق سيپاتتاعى كەلىسىمشارت بويىنشا جۇمىس ىستەيتىندەردىڭ (ياعني فريلانسەرلەردىڭ) زەينەتاقى جارناسىن 10-نان 5 پايىزعا تومەندەتۋگە جول اشادى»، – دەدى دەپۋتات.

سوڭعى جاڭالىقتار