2 ماۋسىم, 19:40 601 0 جاڭالىقتار اسىل تۇمار

ەلباسى اسەت يسەكەشەۆتى قابىلدادى

قاۋىپسىزدىك كەڭەسىنىڭ توراعاسى نۇرسۇلتان نازارباەۆ پرەزيدەنت كومەكشىسى – قاۋىپسىزدىك كەڭەسىنىڭ حاتشىسى اسەت يسەكەشەۆتى قابىلدادى، – دەپ حابارلايدى elbasy.kz.

كەزدەسۋ بارىسىندا ەلباسى قاۋىپسىزدىك كەڭەسىنىڭ جاڭا جاعدايدا اتقارىپ جاتقان جۇمىسىنىڭ ماڭىزدىلىعىنا توقتالدى.

قاۋىپسىزدىك كەڭەسىنىڭ ۇلتتىق قاۋىپسىزدىكتى، قورعانىس قابىلەتىن، زاڭدىلىق پەن قۇقىقتىق ءتارتىپتىڭ ساقتالۋىن قامتاماسىز ەتۋدە ماڭىزدى ءرول اتقارعانى اتاپ ءوتىلدى.

ءوز كەزەگىندە ءا.يسەكەشەۆ كوروناۆيرۋس ەپيدەمياسىنا قارسى جانە ەكونوميكالىق قاۋىپسىزدىكتى قامتاماسىز ەتۋمەن بايلانىستى داعدارىسقا قارسى ءىس-شارالاردى جۇزەگە اسىرۋ جونىندەگى قاۋىپسىزدىك كەڭەسىنىڭ شەشىمدەرىنىڭ ورىندالۋ بارىسى تۋرالى باياندادى.

سونىمەن بىرگە قازاقستاننىڭ تۇڭعىش پرەزيدەنتىنە ەلىمىزدەگى زاڭدىلىق پەن قۇقىقتىق ءتارتىپتىڭ احۋالى، اسكەري، قۇقىق قورعاۋ جانە ارنايى مەملەكەتتىك ورگانداردىڭ قىزمەتى بويىنشا ماسەلەلەر، سونداي-اق قورعانىس ونەركاسىبى كەشەنىنىڭ دامۋ پەرسپەكتيۆالارى جونىندە ەگجەي-تەگجەيلى اقپارات بەرىلدى.

سوڭعى جاڭالىقتار