2 ماۋسىم, 17:51 6094 0 جاھان انار لەپەسوۆا

كۇزدە كوروناۆيرۋسقا قارسى جاپپاي ەگۋ شارالارى باستالادى

سۋرەت عالامتوردان الىندى
سۋرەت عالامتوردان الىندى

كۇزدە رەسەيدە كوروناۆيرۋس ينفەكتسياسىنا قارسى جاپپاي ەكپە ەگۋ جۇمىستارى باستالۋى مۇمكىن. بۇل تۋرالى رەسەي ۇكىمەتى باسشىسىنىڭ ورىنباسارى دميتري چەرنىشەنكو مالىمدەدى.

ۆيتسە-پرەمەردىڭ ايتۋىنشا، رەسەيلىك عالىمدار CoViD-19 ىندەتىنە قارسى ەكپە جاساۋ باعىتىندا ەڭبەكتەنۋدە. جۇمىستىڭ ناتيجەسى كوپ كۇتتىرمەۋى مۇمكىن.

— ۆاكتسينا دايىنداۋ ءىسى ءساتتى اياقتالسا، كۇزدە جاپپاي ەگۋگە كىرىسۋگە بولادى، - دەدى چەرنىشەنكو.

ۆيتسە-پرەمەردىڭ سوزىنشە، وعان دەيىن رەسەيلىكتەرگە ىندەتتىڭ قاۋىپ-قاتەرىن ەسەپكە الا وتىرىپ ءومىر سۇرۋگە تۋرا كەلەدى.

ايتا كەتەيىك، بۇعان دەيىن ۇلىبريتانيا ۇكىمەتى كوروناۆيرۋسقا قارسى ۆاكتسينا سىناقتارىن قوسىمشا قارجىلاندىرۋ ءۇشىن 101 ميلليون دوللار بولگەنىن حابارلاعانبىز.

سونداي-اق، قازاقستان دا كوروناۆيرۋسقا قارسى ۆاكتسينا ازىرلەۋشى ەلدەر قاتارىنا قوسىلعانى تۋرالى جازدىق.

 

سوڭعى جاڭالىقتار