2 ماۋسىم, 14:47 417 0 جاڭالىقتار اسىل تۇمار

«شاڭىراق» جوباسى كەزەكتە تۇرعانداردىڭ باسپانا ماسەلەسىن شەشەدى

كەزەكتە تۇرعانداردىڭ باسپانا ماسەلەسىن شەشۋ ءۇشىن بيىل «شاڭىراق» پيلوتتىق جوباسى اشىلادى. بۇل تۋرالى قر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ ايتىپ بەردى.

«بيىل مەملەكەت باسشىسىنىڭ تاپسىرماسىمەن كەزەكتە تۇرعانداردىڭ تۇرعىن ءۇي ماسەلەلەرىن شەشۋ ءۇشىن «شاڭىراق» پيلوتتىق جوباسىن ىسكە قوسامىز. بۇل ءۇشىن 390 ملرد تەڭگە بولىنەدى، ونىڭ 180 ملرد تەڭگەسى وڭىرلەردە سالىناتىن الەۋمەتتىك باسپانا قۇرىلىسىنا جۇمسالادى. 210 ملرد تەڭگە كەزەكتە تۇرعانداردى تۇرعىن ءۇي قۇرىلىس جيناق بانكى ارقىلى «5-10-20» شارتتارى بويىنشا نەسيەلەۋگە جىبەرىلەدى»، – دەدى سپيكەر ورتالىق كوممۋنيكاتسيالار قىزمەتىندە وتكەن ەسەپ بەرۋ بريفينگىندە.

ونىڭ ايتۋىنشا، جىل باسىنان بەرى شامامەن 25 مىڭ تۇرعىن ءۇي نەمەسە 3,1 ملن شارشى مەتر باسپانا پايدالانۋعا بەرىلگەن. جىل باسىنان بەرى 15 ملن شارشى مەتر تۇرعىن ءۇي سالۋ جانە 39 مىڭنان استام وتباسىن مەملەكەتتىك قولداۋمەن قامتۋ جوسپارلانعان.

سوڭعى جاڭالىقتار