2 ماۋسىم, 10:13 475 0 جاڭالىقتار اسىل تۇمار

اقش-تا ۇشاق قۇلاپ، ءتورت ادام قازا تاپتى

دۇيسەنبى كۇنى اقش-تىڭ يللينويس شتاتىندا ءبىر موتورلى شاعىن ۇشاقتىڭ قۇلاۋى سالدارىنان ءتورت ادام قازا تاپتى، – دەپ جازدى قازاقپارات ABC News-كە سىلتەمە جاساپ.

ۇشاق جەرگىلىكتى ۋاقىت بويىنشا شامامەن كۇندىزگى ساعات 3:45-تە، كارلينۆيلل قالاسىنان وڭتۇستىككە قاراي 4,8 شاقىرىم جەردە بەلگىسىز جاعدايدا قۇلاعان. جەردە اپات سالدارىنان ەشكىم زارداپ شەككەن جوق، – دەپ حابارلادى جەرگىلىكتى شەريف شون كال.

KSDK.com حابارلاماسى بويىنشا، اۋە اپاتىنان قازا تاپقان ۇشقىش پەن ءۇش جولاۋشى دوس بولىپ، ءبىر ۋنيۆەرسيتەتتە وقىعان. جولاۋشىلاردىڭ ءبىرى، دانيەل شەدد، ۇشار الدىندا اتا-اناسىنا ۇشاقتان سەلفي جاساپ جىبەرگەن. ونىڭ اكەسى چارلز شەدد ۇشقىش دجوشۋا سۆيرس ۇشاقتى تاياۋدا عانا ساتىپ العانىن، بىراق اۋە كەمەسى «تاماشا جاعدايدا» بولعانىن، بارلىق قاجەتتى تەكسەرىستەن وتكەنىن ايتتى.

چارلز بالاسى مەن دوستارىن اۋەجايعا ءوزى شىعارىپ سالعان. شەدد بالاسىنىڭ وسىنداي شاعىن ۇشاقپەن ەشقاشان ۇشپاعانىن، بىراق دوستارىمەن بىرگە ۇشۋدى تاعاتسىزدانا كۇتىپ جۇرگەنىن ايتتى.

اكەسى ارنايى قوسىمشا ارقىلى ۇشاقتىڭ ۇشۋىن باقىلاۋعا ارەكەت جاساعان كەزدە، ودان ەشتەڭە شىقپادى، ءچارلزدىڭ بالاسىنا جىبەرگەن بارلىق حابارلامالارى وعان جەتكەن جوق. ەگدە جاستاعى ەر ادام وعان تەلەفون سوققان، الايدا جاۋاپ بولماعان. سودان ول جەرگىلىكتى پوليتسياعا حابارلاسقان.

ۇشاقتىڭ سىنىقتارى شامامەن كۇندىزگى ساعات 4:30-دا كارلينۆيلل قالاسىنا جاقىن جەردەگى جازىق دالادان تابىلدى. دارىگەرلەر وقيعا ورنىندا بارلىق ءتورت دوستىڭ ءولىمىن بەلگىلەدى.

سوڭعى جاڭالىقتار