2 ماۋسىم, 09:47 319 0 جاڭالىقتار اسىل تۇمار

نۇر-سۇلتاندا الەۋمەتتىك تۇرعىن ۇيلەر سالىنادى

نۇر-سۇلتان قالاسىنىڭ اكىمدىگى «قاراپايىم زاتتار ەكونوميكاسىن» دامىتۋ، ينۆەستورلاردى قولداۋ، ءۇي قۇرىلىسى كومبيناتىنىڭ جۇمىسىن جاڭارتۋ، قۇرىلىس كاسىپورىندارىنىڭ قۋاتىن جەتىلدىرۋ باعىتتارى بويىنشا تۇرعىن ءۇي قۇرىلىسىنىڭ كولەمى مەن ساپاسىن ارتتىرۋعا جاعداي جاسايدى. بۇل تۋرالى ەلوردا اكىمدىگىنىڭ رەسمي سايتىندا جازىلدى.

مىسالى، بەتون جانە تسەمەنت ءوندىرۋ زاۋىتى «Center Beton Company« جشس شىعارىلاتىن ءونىم قۋاتىن جىلىنا 400 تەكشە مەترگە دەيىن كوبەيتتى، سونداي-اق شىعارىلاتىن ءونىم كولەمىن ەلوردانىڭ باسقا دا كاسىپورىندارى ارتتىردى.

ەلوردا اكىمى التاي كولگىنوۆ مەملەكەت باسشىسىنىڭ تاپسىرماسى بويىنشا، تۇرعىن ءۇي قۇرىلىسىنا ەرەكشە كوڭىل بولىنەتىنىن اتاپ ءوتتى.

«بيىل قولجەتىمدى تۇرعىن ءۇي قۇرىلىسىنىڭ كولەمىن ۇلعايتامىز. «قولجەتىمدى جەردە ورنالاسۋ» قاعيداسى ەسكەرىلەتىن بولادى. تۇرعىن ءۇي عيماراتىنىڭ ءبىرىنشى قاباتتارىندا دۇكەن ەمەس، مەديتسينالىق ورتالىقتار، پوليتسيا پۋنكتتەرى، وڭالتۋ ورتالىقتارى، بالاباقشالار سالىناتىن بولادى. قولجەتىمدى تۇرعىن ءۇي سالۋ ءۇشىن GLB ءۇي قۇرىلىسى كومبيناتى قايتا ىسكە قوسىلدى. كومبيناتتىڭ كاسىپورىن قىزمەتكەرلەرى الدىندا 600 ملن تەڭگەدەن استام جانە كرەديتورلارعا قارىزى بولعان. مەملەكەت قولداۋىنىڭ ارقاسىندا بۇل سوما وتەلىپ، بىرقاتار كۇردەلى ماسەلە شەشىلدى. بۇل جۇمىستاردىڭ بارلىعى سالىنباي تۇرعان نىسانداردىڭ قۇرىلىسىن اياقتاۋ مەن قولجەتىمدى تۇرعىن ءۇي قۇرىلىسىنىڭ كولەمىن ارتتىرۋ ءۇشىن جۇرگىزىلىپ جاتىر. سونداي-اق، جۇمىس ورىنى ساقتالىپ قالدى. ءۇي قۇرىلىسى كومبيناتىنىڭ ارتىقشىلىعى – ءمودۋلدى قۇرىلىس ۇيلەردىڭ ساپاسىنا نۇقسان كەلتىرمەي شارشى مەتردىڭ وزىندىك قۇنىن تومەندەتۋگە جانە عيماراتتاردى تۇرعىزۋ مەرزىمىن قىسقارتۋعا مۇمكىندىك بەرەدى. سونىمەن قاتار، جازدا تاعى ءبىر ءۇي قۇرىلىسى كومبيناتى ىسكە قوسىلادى»، – دەدى قالا اكىمى التاي كولگىنوۆ.

ينۆەستيتسيالىق كەڭەستە قالا اكىمدىگى قۇرىلىس ماتەريالدارىن شىعاراتىن نىساندار مەن زاۋىتتار قۇرىلىسى سەكىلدى جوبالارعا قولداۋ كورسەتتى.

سوڭعى جاڭالىقتار