1 ماۋسىم, 20:49 330 0 جاڭالىقتار اسىل تۇمار

بالالار ءۇيى قولداۋ ورتالىقتارىنا اينالادى

قازاقستاندا بالالار ۇيلەرى قولداۋ ورتالىقتارىنا اينالادى. بۇل تۋرالى قر ءبىلىم جانە عىلىم ءمينيسترى اسحات ايماعامبەتوۆ فەيسبۋك-پاراقشاسىندا جازدى.

ءمينيستردىڭ دەرەگىنشە، 10 جىل ىشىندە، ناقتى ايتقاندا، 2010 - 2020 جىلدارى بالالار ۇيلەرىنىڭ تاربيەلەنۋشىلەرىنىڭ سانى 70 پايىزعا، 14 052 ادامنان 4193-كە دەيىن قىسقاردى. ال بالالار ءۇيىنىڭ جەلىسى 210-نان 101-گە دەيىن، ياعني 52 پايىزعا ازايىپ وتىر. ال سوڭعى 4 جىل ىشىندە بالالار ءۇيى تاربيەلەنۋشىلەرىنىڭ سانى 42 پايىزعا، 7 236 ادامنان 4 193-كە كەمىدى. بالالار ءۇيىنىڭ جەلىسى 140-تان 101-گە، ياعني 28 پايىزعا قىسقاردى.

«ايتا كەتەرلىگى، بالالار ۇيلەرى قولداۋ ورتالىقتارىنا اينالادى. بۇل جۇمىسقا ازاماتتىق قوعام بەلسەنە اتسالىسۋدا. «تالىمگەرلەر» مەن «انالار ءۇيى» سياقتى جوبالاردى دا ەرەكشە اتاپ وتكىم كەلەدى. دەسە دە تۇيتكىلدى ماسەلەلەر بويىنشا جۇمىس ءالى دە جۇرگىزىلىپ جاتىر«، - دەدى اسحات ايماعامبەتوۆ.

سونىمەن قاتار ول مەملەكەتىمىزدە ءبىلىم الۋ قۇقىعىنا باسا نازار اۋدارىلاتىندىعىن، قازىر ەلىمىزدە 5 ميلليون بالانى قامتيتىن 20 مىڭ ءبىلىم بەرۋ ۇيىمى جۇمىس ىستەپ جاتقانىن اتاپ وتەدى.

سوڭعى جاڭالىقتار