1 ماۋسىم, 14:44 361 0 جاڭالىقتار اسىل تۇمار

تۇلەكتەر تالىمگەرلىگى – اركىم يە بولاتىن مۇمكىندىك

عۇلاما ويشىل، شىعىستىڭ جاۋھارى ءابۋ ناسىر ءال-ءفارابيدىڭ تۋعانىنا 1150 جىل ءال-فارابي اتىنداعى قازۇۋ تۇلەكتەرى كۇنى اكادەميالىق ءداستۇر. جۋرناليستيكا فاكۋلتەتى ءباسپاسوز جانە ەلەكتروندى باق كافەدراسىنىڭ تۇلەكتەر كۇنى 2020 جىل 30 مامىردا وسى مىزعىماس ءداستۇردى ونلاين فورماتتا جالعاستىردى.

جۋرناليستيكا فاكۋلتەتىنىڭ ءباسپاسوز جانە ەلەكتروندى باق كافەدراسىنداعى كەزدەسۋدى ۇجىمنىڭ مەڭگەرۋشىسى، ساياسي عىلىمىنىڭ دوكتورى، پروفەسسور گۇلميرا سۇلتانباەۆا اشىپ، كافەدرا تۇلەكتەرىن قۇتتىقتادى.

قازۇۋ رەكتورىنىڭ، اكادەميك عالىمقايىر مۇتانۇلى مۇتانوۆتىڭ ارنايى بەينە قۇتتىقتاۋى تانىستىرىلدى. ءال-ءفارابيدىڭ: «ادامدار تەك بىرلەسە، ءبىر-بىرىنە كومەكتەسۋ ارقىلى عانا باقىتقا جەتە الادى»، – دەگەن ناقىل سوزىندە قانشاما تەرەڭ وي، پاراساتتى يدەيا بار. رەكتور تۇلەكتەردىڭ  عۇلامانىڭ وسى يدەياسى اياسىندا ءبىر-ءبىرىن قولداي وتىرىپ، ۋنيۆەرسيتەت پەن قوعام دامۋىنا ۇلەس قوسۋعا شاقىردى. ماسەلەن، تۇلەكتەردىڭ قولداۋىمەن كافەدرا بازاسىندا سوڭعى وقۋ جىلدارىندا اشىلعان «Qazaqstan»، «Egemen Qazaqstan»،  ج.كەنجالين اتىنداعى ءباسپاسوز جانە جاڭا مەديا وقۋ-شىعارماشىلىق زەرتحانالار سەرىكتەس جۇمىس بەرۋشى ۇيىمداردىڭ قولداۋىمەن وقۋ تەحنيكالىق مۇمكىندىكتەردىڭ الاڭىنا اينالدى.

كەزدەسۋ بارىسىندا قازاقستان رەسپۋبليكاسى كونستيتۋتسيالىق كەڭەسىنىڭ توراعاسى، قازۇۋ تۇلەكتەر قاۋىمداستىعىنىڭ پرەزيدەنتى، زاڭ عىلىمدارىنىڭ دوكتورى، پروفەسسور قايرات ابدىرازاقۇلى ءماميدىڭ «تالىمگەرلىك: اركىم يە بولا الاتىن مۇمكىندىكتەر» جوباسى تانىستىرىلدى.

كافەدارانىڭ وسى ورايدا وقۋ-تەحنيكالىق بازاسىن جاڭالاۋدان باستاپ وقۋ ۇردىسىنە، ءبىلىم بەرۋ باعدارلامالارى مەديا نارىققا بەيىمدەۋگە دەيىنگى تۇلەكتەرمەن ورىندالعان اۋقىمدى جوبالارى اتالدى.

«Egemen Qazaqstan» گازەتىنىڭ الماتىداعى تىلشىلەر قوسىنى، «Qazaqstan» ۇلتتىق ارناسىنىڭ الماتى رەداكتسياسى مەن «قازاق گازەتتەرى» جشس بازاسىندا ءباسپاسوز جانە ەلەكتروندى باق كافەدراسى فيليالدارىنىڭ اشىلۋى وقۋ ءۇردىسىنىڭ مەديا وندىرىسكە بەيىمدەلۋىنە جول اشتى.

كافەدرانىڭ ءار جىلدارداعى ءبىتىرۋشى تۇلەگىنىڭ قازۇۋ ستۋدەنتىنە تالىمگەر بولۋ باستاماسىن قولداعان جوعارعى سوت توراعاسىنىڭ كەڭەسشىسى نۇرلان قالقا: «قايرات ابدىرازاقۇلى ۇسىنعان جوبا ماعان قاتتى وي سالىپ وتىر. ءبىز بۇل باعىتتاعى سەرىكتەستىكتىڭ ءۇش ناقتى قادامىن ايتساق. ءبىرىنشىسى، بيىل تالىمگەر بولۋ باستاماسى اياسىندا قۇقىقتىق جۋرناليستيكا سالاسىنا مامان داريالاۋعا ۇلەس قوسامىز. ەكىنشى باستامامىز، ءباسپاسوز قىزمەتى ماماندارىن سوت سالاسىندا دايارلاۋ قاجەت. ستۋدەنتتەردىڭ سوتتاردىڭ ءباسپاسوز قىزمەتىندە تاجىريبەدەن وتۋىنە كومەك بەرۋ ءىسىن جولعا قويساق. جوعارى كۋرس ستۋدەنتتەرىنىڭ اۋداندىق، وبلىستىق سوتتاردا تاجريبەدەن ءوتۋىن ۇيىمداستىرامىز. ءۇشىنشىسى، قۇقىقتىق سالاعا يكەمى بار ستۋدەنتتەرگە ارناپ، ونلاين شەبەرلىك سىنىپتارىن تۇراقتى ۇيىمداستىرامىز»، – دەپ ۇسىنىستاردى اتاپ ءوتتى.

جۋرناليستيكادا ماماندانۋ ماسەلەسىن اتاساق. سپورت نە قۇقىق سالاسىن الساق. ماسەلەن، سوت سالاسىن تەرەڭدەتىن جازعان، بارىمىزگە جاقسى تانىس ادىلدىكتى، ادىلەتتىلىكتى جۋرناليستيكانىڭ باستى قاعيداسىنا اينالدىرعان، زاڭ كۇشىنە مۇقتاج جاندارعا كەڭەس بەرگەن نۇري مۋفتاحتىڭ شەبەرلىگى. الەكساندر تاسبولات زاڭنىڭ بۇگە-شۇگەسىنە دەيىن زەرتتەپ، ءبىر سالاعا ماماندانعان تانىمال جۋرناليست. زاڭ باپتارىن نە تەرميندەرىن جاي جازىپ قويماي، حالىققا ءتسۇىندىرىپ، بيلىك پەن قوعامنىڭ اراسىنداعى قۇقىقتىڭ دانەكەرى بولدى.

كافەدرا تاراپىنان گۇلميرا سەرىكبايقىزى اتالعان ۇسىنىستار بويىنشا وقۋ جوسپارىندا جۋرناليستكيانىڭ قۇقىقتىق نەگىزدەرى بازالىق ءپان رەتىندە وقىتىلىپ وتىرعانىن، سالالىق جاعىنان تەرەڭدەتىپ وقىتاتىن باعدارلاما ازىرلەيتىنى اتاپ ءوتتى.

جوعارعى سوتتىڭ ءباسپاسوز قىزمەتىمەن تالقىلانعان «قۇقىقتىق جۋرناليستيكا انىقتامالىعىن» باسپاعا دايىنداۋ قاجەت، بۇعان جۋرناليستەردىڭ كۇندەلىكتى زاڭ، قۇقىق، ەتيكا سالاسىندا كەزدەسەتىن تەرميندەر مەن پروتسەستەردى باق ماتەريالدارىندا قولدانۋعا ارنالعان ادىستەمەلىك قۇرال قاجەت. قۇقىقتىق مەديا سالاسىنداعى ۇكىمەتتىك جانە ۇكىمەتتىك ەمەس ۇيىمداردىڭ ۇسىنىسى نەگىزىندە  فاكۋلتەتتە ستۋدەنتتىك مەديا كلينيكا اشىلسا، سالالىق ماماندار دايارلاۋعا ىقپالى ارتار ەدى.

فاكۋلتەتتىڭ تۇلەكتەر قاۋىمداستىعى تۋرالى بەينەباياندى تاماشالاعان كافەدرانىڭ  5 جىلدىقتان باستاپ 35 جىلدىق تۇلەكتەرىنە دەيىن بىرنەشە بۋىن وكىلدەرى قاتىسقان شارادا ءداستۇرلى مەديادان باستاپ تسيفرلىق مەديا نارىقتىڭ تالاپتارىنا ساي ماماندار دايارلاۋعا تۇلەكتەردىڭ ۇلەسى اتالدى.

اتاپ ايتقاندا، تانىمال جۋرناليست ءھام قوعام قايراتكەرى 45 جىلدىق تۇلەكتەر اتىنان ساۋىتبەك ابردراحمانوۆ، توپ مەديا مەنەدجەر ارمانجان بايتاسوۆتىڭ بەينە تىلەكتەرىمەن قاتار، شاراعا 15 جىلدىق تۇلەكتەر، ەسىمە ەلگە تانىس جۋرناليستەر مەيىرجان اۋەلبەكۇلى، ميراس مۇقاش، PhD دوكتورلارى جۇماعالي ەسەنبەك، الما سايلاۋقىزى قاتىسىپ، ارنايى شاكىرتاقى تاعايىندادى.

«Kazakh  TV» ارناسى اقپاراتتىق باعدارلامالار ءبولىمىنىڭ شىعارۋشى رەداكتورى مانشۇك شىمىرباي، جۋرناليست، جەتىسۋ ۋنيۆەرسيتەتىنىڭ وقىتۋشىسى نازىم دۋتباەۆا، «قازاق راديوسىنىڭ» جۇرگىزۋشىسى گۇلباعىش بوستان شارانىڭ سپيكەرلەرى رەتىندە كافەدرا ستۋدەنتتەرىنىڭ تالىمگەرى اتانىپ، جۋرناليستىك داعدىلارىن ۇيرەتۋ ىسىنە ۇلەس قوسپاق.

الداعى وقۋ جىلىندا «حابار» اق» 25 جىلدىعى، «قازاق راديولارى» جشس  100 جىلدىعى، «قازاقپارات» حالىقارالىق اقپاراتتىق اگەنتتىگى» اكتسيونەرلىك قوعامى 100 جىلدىعى قارساڭىندا كافەدرا جۇمىس بەرۋشى سەرىكتەس ۇيىمدارمەن اۋقىمدى شارالار جوسپارى تالقىلانۋدا.

سوڭعى جاڭالىقتار