31 مامىر, 15:37 410 0 جاڭالىقتار اسىل تۇمار

فۋتبولدان يتاليا چەمپيوناتى 20 ماۋسىمدا قايتا جالعاسادى

سۋرەت عالامتوردان الىندى
سۋرەت عالامتوردان الىندى

يتاليانىڭ سپورت ءمينيسترى ۆينچەنتسو سپادافورا فۋتبولدان يتاليا چەمپيوناتى 20 ماۋسىمدا قايتا جالعاساتىنىن ايتتى.

كوروناۆيرۋس ينفەكتسياسىنا بايلانىستى بۇل ەلدە فۋتبول ويىندارىن وتكىزۋ كەيىنگە شەگەرىلگەن بولاتىن.

ا سەرياسىندا 26-تۋر ويىندارى 9 ناۋرىز كۇنى وتكىزىلدى.

كوماندالار الداعى ۋاقىتتا 12 ويىن وتكىزۋى ءتيىس.

قازىر ا سەرياسىندا 26 ويىننان كەيىن «يۋۆەنتۋس» 63 ۇپايمەن كوش باستاپ كەلەدى. ودان كەيىنگى ورىنداعى «لاتسيو» كلۋبىنىڭ ەنشىسىندە – 62, «ينتەردىڭ» 54 ۇپايى (25 ويىننان كەيىن) بار.

ال فۋتبولدان انگليا پرەمەر-ليگاسى 17 ماۋسىمدا قايتا جالعاسادى. سونداي-اق. فۋتبولدان يسپانيا چەمپيوناتى 11 ماۋسىمدا جالعاسادى.

سوڭعى جاڭالىقتار