31 مامىر, 12:30 1035 0 جاڭالىقتار اسىل تۇمار

اقش قالالارىنا كومەندانتتىق ساعات ەنگىزىلەدى

سۋرەت عالامتوردان الىندى
سۋرەت عالامتوردان الىندى

اقش-تىڭ ميننەسوتا شتاتىنىڭ گۋبەرناتورى افروامەريكالىق دجوردج فلويدتىڭ ولىمىنەن كەيىن اقش قالالارىندا باستالعان قارسىلىق شارالارىنىڭ ەندى قارا ءناسىلدىنىڭ ولىمىنە قاتىسى جوق ەكەنىن مالىمدەدى. ونى سىرتتان كەلگەن راديكالدار ادەيى ۇيىمداستىرىپ جاتىر. اقش قالالارىندا كومەندانتتىق ساعات ەنگىزىلدى، – جازدى قازاقپارات ۆۆس اگەنتتىگىنە سىلتەمە جاساپ.

اۋەلى ميننەاپوليس شتاتىنىڭ ءىرى قالاسىندا، سودان كەيىن ۆاشينگتوندا، اتلانتادا، نيۋ-يوركتا جانە ەلدىڭ باسقا دا ءىرى قالالارىندا قارسىلىق شاراسىنا قاتىسۋشىلار مەن پوليتسەيلەر اراسىندا قاقتىعىس بولدى. فلويدتىڭ موينىنا تىزەسىن قويىپ، تۇنشىقتىرعان بۇرىنعى پوليتسەي قاماۋعا الىندى. 44 جاستاعى دەرەك شوۆينگە كىسى ءولتىردى دەگەن ايىپ تاعىلىپ وتىر. تاعى دا ءۇش پوليتسەيگە قاتىستى تەرگەۋ جالعاسۋدا. قارسىلىق تانىتۋشىلار ولاردى سوتقا بەرۋدى تالاپ ەتىپ جاتىر.

وسىعان دەيىن اقش-تىڭ ميننەاپوليس قالاسىندا قارۋسىز افروامەريكالىق ازامات پوليتسەيلەردىڭ قولىنان قازا تاۋىپ، كەيىن اقش قالالارىندا قارسىلىق شاراسى ءوتىپ، وعان قاتىسۋشىلاردىڭ پوليتسەيلەرمەن قاقتىعىسقاندىعى تۋرالى ايتىلدى.

سوڭعى جاڭالىقتار