30 مامىر, 18:42 312 0 جاھان انار لەپەسوۆا

8 ماۋسىمدا نيۋ-يوركتەگى شەكتەۋ شارالارى الىنادى

A U.S. flag hangs on the front of the New York Stock Exchange before the day's trading starts in New York, U.S.، March 16, 2020. REUTERS/Lucas Jackson
A U.S. flag hangs on the front of the New York Stock Exchange before the day's trading starts in New York, U.S.، March 16, 2020. REUTERS/Lucas Jackson

8 ماۋسىمدا اقش-تىڭ نيۋ-يورك قالاسىنداعى شەكتەۋ شارالارى الىنادى. بۇل تۋرالى شتات گۋبەرناتورى ەندريۋ كۋومو مالىمدەدى، دەپ حابارلايدى CBS News تەلەارناسى.

«قالانىڭ اشىلۋى ءبارى بۇرىنعىداي بولادى دەگەن ءسوز ەمەس. ءومىر – وتكەنگە قايتا ورالۋ ەمەس، العا جىلجۋ. قاۋىپسىزدىككە باسا كوڭىل بولىنەتىن بولادى.  ادامدار الەۋمەتتىك قاشىقتىقتى ساقتاپ، ماسكا كيۋگە مىندەتتى»، – دەدى گۋبەرناتور.

گۋبەرناتوردىڭ ايتۋىنشا، 8 ماۋسىمنان باستاپ نيۋ-يورك پەن شتاتتىڭ سولتۇستىگىندە ورنالاسقان 5 اۋدان كارانتيندىك شەكتەۋلەردى جەڭىلدەتۋدىڭ ەكىنشى كەزەڭىنە كوشەدى. وعان سايكەس، شاشتاراز سەكىلدى شاعىن كاسىپورىندار قىزمەتىن قايتا باستايدى. شەكتەۋ شارالارىنىڭ جەڭىلدەۋىنە بايلانىستى ايماقتا 400 مىڭعا جۋىق ازامات جۇمىسقا قايتا ورالماق.

ايتا كەتەيىك، دجونس حوپكينس ۋنيۆەرسيتەتىنىڭ سوڭعى دەرەگى بويىنشا اقش-تا كوروناۆيرۋس جۇقتىرعاندار سانى 1,7 ميلليوننان اسىپ جىعىلدى. ىندەتتەن 102 مىڭنان اسا ادام كوز جۇمعان.

ال الەم بويىنشا 5,9 ملن ادامنان كوروناۆيرۋس انىقتالدى. قاتەرلى ۆيرۋس جۇقتىرعانداردىڭ 365 مىڭنان استامى قايتىس بولدى.

سوڭعى جاڭالىقتار