30 مامىر, 13:52 617 0 قوعام انار لەپەسوۆا

ەلوردادا كوپقاباتتى ءۇيدىڭ كىرەبەرىسىنەن ەر ادامنىڭ ءمايىتى تابىلدى

نۇر-سۇلتان قالاسىنداعى كوپقاباتتى ءۇيدىڭ كىرەبەرىسىنەن ەر ادامنىڭ ءمايىتى تابىلدى، دەپ حابارلايدى Polisia.kz.

تاراتىلعان اقپاراتقا سايكەس، 26 مامىر كۇنى "102" پۋلتىنە تۇرعىن ءۇيدىڭ كىرەبەرىسىندەگى باسپالداقتا جاتقان ەر ادامنىڭ دەنەسى تابىلعانى تۋرالى حابارلاما تۇسكەن.

وقيعا ورنىن قاراۋ بارىسىندا سول ۇيدە تۇراتىن 47 جاستاعى تۇرعىن اڭشى مىلتىعىنان ءوز-وزىنە وق اتقانى انىقتالعان. ەر ادامنىڭ موبيلدىك تەلەفونىن قاراۋ بارىسىندا ولەر الدىندا جازىپ كەتكەن حاتى تابىلعان.

قازا تاپقان ازاماتتىڭ 2019 جىلدان بەرى اجىراسقانى جانە سوڭعى ۋاقىتتا جالعىز تۇرعاندىعى بەلگىلى بولدى. ونىڭ اتىنا تىركەلگەن "سايگا-م2" ماركالى اڭشى مىلتىعى بولعان.

ەلوردالىق پوليتسيا دەپارتامەنتى مالىمەتىنشە، كىلمىستىق ءىس اياسىندا قاجەتتى ساراپتامالار تاعايىندالىپ، تەرگەۋ امالدارى جۇرگىزىلۋدە.

سوڭعى جاڭالىقتار