30 مامىر, 12:32 1642 0 زاڭ انار لەپەسوۆا

شىمكەنت تۇرعىنى ۇيىندە 1200-دەن استام وق-ءدارى ساقتاعان (ۆيدەو)

شىمكەنتتىك پوليتسەيلەر جەرگىلىكتى تۇرعىننان 1200-دەن استام وق-ءدارىنى تاركىلەدى،  دەپ حابارلايدى Polisia.kz.

14 مامىردا شىمكەنت قالاسى پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى جەدەل ىزدەستىرۋ ءىس-شارالارىن جۇرگىزۋ بارىسىندا جەرگىلىكتى تۇرعىننىڭ “وپەل ۆەكترا” ماركالى اۆتوكولىگىندە جانە ۇيىندە ساقتاعان ءار ءتۇرلى كاليبرلى 1200-دەن استام وق-دارىلەرىن انىقتاپ، تاركىلەدى.

اتالعان جايت بويىنشا قر قىلمىستىق كودەكسىنىڭ 287-بابىنىڭ 2-بولىگىمەن (قارۋدى، وق-دارiلەردi, جارىلعىش زاتتاردى جانە جارىلىس قۇرىلعىلارىن زاڭسىز يەمدەنۋ، بەرۋ، وتكiزۋ، ساقتاۋ، تاسىمالداۋ نەمەسە الىپ ءجۇرۋ) سوتقا دەيىنگى تەرگەۋ امالدارى باستالعان.

وسى باپتىڭ سانكتسياسى بويىنشا كۇدىكتى تۇلعاعا 2000 ايلىق ەسەپتiك كورسەتكiشكە دەيiنگi مولشەردە ايىپپۇل سالۋعا نەمەسە سول مولشەردە تۇزەۋ جۇمىستارىنا، سونداي-اق 600 ساعاتقا دەيىنگى مەرزىمگە قوعامدىق جۇمىستارعا تارتۋعا، نە ەكى جىلعا دەيىنگى مەرزىمگە باس بوستاندىعىن شەكتەۋگە، نە سول مەرزىمگە باس بوستاندىعىنان ايىرۋعا جازالانادى.

كۇدىكتى پوليتسياعا جەتكىزىلىپ، قازىرگى تاڭدا ورىن العان وقيعانىڭ ءمان-جايىن انىقتاۋعا باعىتتالعان تەرگەۋ امالدارى جۇرگىزىلىپ جاتىر. ءتيىستى ساراپتامالار تاعايىندالىپ، ولاردىڭ قورىتىندىسى بويىنشا پروتسەسسۋالدىق شەشىم قابىلدانادى.

;feature=emb_logo

سوڭعى جاڭالىقتار